নগাঁও আৰক্ষীৰ জালত দুই দুৰ্ধর্ষ ডকাইত

গাঁৱত হৈ থকা ধাৰাবাহিক চুৰি-ডকাইতিত জড়িত বাহাৰুল আৰু জাকিৰৰ পৰা আৰক্ষীয়ে উদ্ধাৰ কৰে নাইন এম এম পিষ্টলৰ তিনি জাঁইকৈ সজীৱ গুলী। ধৃত ডকাইত দুটাক মাৰাথান জেৰা অব্যাহত ৰাখিছে নগাঁও আৰক্ষীয়ে।

নগাঁও , 11 জুনঃনগাঁও চহৰত বিগত কিছুদিন ধৰি চোৰ, ডকাইতে সন্ত্ৰাস চলোৱাৰ সময়ত মঙলবাৰে আৰক্ষীৰ জালত পৰিল দুই দুৰ্ধর্ষ ডকাইত ৷ নগাঁও আৰক্ষীৰ বিশেষ শাখাৰ উপ পৰিদৰ্শক জন দাসৰ নেতৃত্বত আৰক্ষীৰ এটা দলে অভিযান চলাই নগাঁৱৰ চিলঙনিৰ পৰা আটক কৰে বাহাৰুল ইছলাম আৰু জাকিৰ হুছেইন নামৰ দুধর্ষ ডকাইত দুটাক।

উল্লেখ্য যে নগাঁৱত হৈ থকা ধাৰাবাহিক চুৰি-ডকাইতিত জড়িত বাহাৰুল আৰু জাকিৰৰ পৰা আৰক্ষীয়ে উদ্ধাৰ কৰে নাইন এম এম পিষ্টলৰ তিনি জাঁইকৈ সজীৱ গুলী। ধৃত ডকাইত দুটাক মাৰাথান জেৰা অব্যাহত ৰাখিছে নগাঁও আৰক্ষীয়ে।