5 বছৰৰ মূৰত আৰক্ষীয়ে আটক কৰিলে ব্ৰইলাৰক

প্ৰাক্তন কেন্দ্ৰীয় মন্ত্ৰী ৰাজেন গোহাঁই(Rajen Gohain)ৰ বাসগৃহত গ্ৰেণেড(Granade) নিক্ষেপ কৰা দুই অপৰাধী(Criminal)ক আটক নগাঁও আৰক্ষী(Nagaon Police)ৰ ৷ দেওবাৰে নিশা ডকাইতিৰ পৰিকল্পনা কৰি থাকোতেই কুখ্য়াত অপৰাধী দুটাক আটক কৰে আৰক্ষীয়ে ৷

নগাঁও , 9 আগষ্ট : অৱশেষত প্ৰাক্তন কেন্দ্ৰীয় মন্ত্ৰী ৰাজেন গোহাঁই(Rajen Gohain)ৰ বাসগৃহত গ্ৰেণেড(Granade) নিক্ষেপ কৰা দুই অপৰাধী(Criminal)ক 5 বছৰৰ অন্তত আটক কৰিলে নগাঁও আৰক্ষী(Nagaon Police)য়ে ৷ নগাঁৱত দেওবাৰে নিশা ডকাইতিৰ পৰিকল্পনা কৰি থাকোতেই আৰক্ষীৰ জালত বন্দী হয় কুখ্যাত অপৰাধী দুটা ৷

নগাঁৱৰ জুৰীয়াৰ ইজ্জত আলী ওৰফে ব্ৰইলাৰৰ লগতে ছাইদুল ইছলামক বিচাৰি আৰক্ষীয়ে দীৰ্ঘদিনৰ পৰাই অভিযান চলাই আছিল যদিও আটক কৰিবলৈ সক্ষম হোৱা নাছিল । জুৰীয়াৰ সুঁতিৰপাৰত ডকাইতি কৰিবলৈ খাপ পিটি থকাৰ সময়তে অপৰাধী দুটাৰ উপস্থিতিৰ উমান লাভ কৰি আৰক্ষীয়ে অভিযান চলায় ৷

আটকাধীন ডকাইত দুটাই পেট্ৰ’ল পাম্পৰ ডকাইতিকে ধৰি কেবাটাও অপৰাধৰ সৈতে জড়িত থকা বুলি আৰক্ষীৰ সূত্ৰত প্ৰকাশ পাইছে ৷ নগাঁও আৰক্ষীৰ অতিৰিক্ত আৰক্ষী অধীক্ষক ধ্ৰুৱ বৰাৰ লগতে নগাঁও নগৰ আৰক্ষীৰ উপ পৰিদৰ্শক কুন্দন ৰবি দাসৰ নেতৃত্বত চলিছিল এই অভিযান ৷

লগতে পঢ়ক :বিজনীত ড্ৰাগছসহ আটক সৰবৰাহকাৰী

ধৃত ব্ৰইলাৰ আৰু ইজ্জত আলীৰ পৰা আৰক্ষীৰ দলটোৱে এটা পইণ্ট 22 পিষ্টল আৰু 5 জাঁই সজীৱ গুলি জব্দ কৰিবলৈ সক্ষম হয় । পূৰ্বৰে পৰা দুই অপৰাধী ব্ৰইলাৰ আৰু ছাইদুলৰ বিৰুদ্ধে বিভিন্ন আৰক্ষী থানাত কেইবাটাও অপৰাধৰ গোচৰ ৰুজু হোৱা বুলি জানিব পৰা গৈছে । সম্প্ৰতি দুয়োকে থানাত মাৰাথান জেৰা অব্যাহত ৰাখিছে নগাঁও আৰক্ষীয়ে ।

উল্লেখ্য যে, 2016 চনতে প্ৰাক্তন কেন্দ্ৰীয় মন্ত্ৰী ৰাজেন গোহাঁইৰ বাসগৃহত গ্ৰেণেড নিক্ষেপ কৰা ঘটনাত আৰু তিনিজনকৈ লোক জড়িত থকাৰ তথ্যও লাভ কৰিছে আৰক্ষীয়ে । পৰৱৰ্তী সময়ত আৰক্ষীৰ অভিযানত পোহৰলৈ আহিব ৰাজেন গোহাঁইৰ ঘৰত গ্ৰেণেড নিক্ষেপ কৰা ঘটনাৰ সৈতে জড়িত আটাইকেইটা অপৰাধীৰ নাম ।

লগতে পঢ়ক :পেঞ্চনভোগীক উৎকোচ বিচাৰি আটক হ’ল শিক্ষা বিভাগৰ কৰ্মচাৰী