জুৰীয়া,২৫ এপ্ৰিলঃ ভাগৱত পাঠ কৰি ৰাইজৰ মন মুহিবলৈ সক্ষম হৈছে জুৰীয়া আৰক্ষী থানাৰ হাবিলদাৰ সুবেন্দ্ৰ ডেকাই ৷ অসম আৰক্ষীৰ কৰ্মচাৰী হৈ নিজৰ দায়িত্বৰ লগতে সাংস্কৃতিক দিশটোত নিজকে আত্মপ্ৰকাশ কৰি ৰাইজৰ মন জয় কৰিবলৈ সক্ষম হৈছে জুৰীয়া আৰক্ষী থানাৰ হাবিলদাৰ সুবেন্দ্ৰ ডেকাই ৷
জুৰীয়াৰ এজন ব্যতিক্ৰমী হাবিলদাৰ
এই হাবিলদাৰ গৰাকীৰ আছে বিশেষ প্ৰতিভা । শুৱলা কন্ঠৰে ভাগৱত পাঠ আৰু ভাঙনি কৰি ৰাইজৰ দৃষ্টি আকৰ্ষণ কৰি আহিছে হাবিলদাৰগৰাকীয়ে । এই বিশেষ প্ৰতিভাৰ বাবে বিভিন্ন ঠাইৰ পৰা তেঁওলৈ আহে ভাগৱত পাঠৰ অনুৰোধ ।
জুৰীয়াৰ এজন ব্যতিক্ৰমী হাবিলদাৰ
আৰক্ষীসকলে সদায়েই এক ৰুদ্ৰ মূৰ্তি ধাৰণ কৰি থাকে বুলিয়েই সাধাৰণ ৰাইজৰ মনত এটা ধাৰণা আছে । কিন্তু এই ধাৰণাৰ বিপৰীতে গৈ সুবেন্দ্ৰ ডেকাই নিজৰ কামৰ সমান্তৰালভাৱে জড়িত হৈ আছে সামাজিক কামৰ লগত । সকলোৱে তেঁওক ভালপোৱাৰ লগতে তেঁও পাঠ কৰা ভাগৱত ফাঁকি শুনিবৰ বাবে ইচ্ছুক হৈ উঠে ।