মৰিগাঁও, 10 জুলাই: বৃহস্পতিবাৰে নিশা মৰিগাঁৱৰ বাছনাঘাট দৈনিক বজাৰত চোৰৰ লুটপাত । এৰাতিৰ ভিতৰতে কেইবাখনো দোকানত চোৰে অভিযান চলাই চুৰি কৰে কেইবা লক্ষাধিক টকাৰ সা-সামগ্ৰী । ইয়াৰ বিৰুদ্ধে ইতিমধ্যে দোকানৰ স্বত্বাধিকাৰীয়ে মৰিগাঁও আৰক্ষী চকীত দাখিল কৰিছে এজাহাৰ ।
ঘটনাৰ বিৱৰণী মতে, নিশা মৰিগাঁও আৰক্ষী থানাৰ অন্তৰ্গত বাছনাঘাট দৈনিক বজাৰৰ গোপীনাথ মণ্ডল, দেৱেন বিশ্বাসকে ধৰি কেইজনো লোকৰ দোকানৰ পৰা চোৰে কাপোৰ, মৰাপাট, সৰিয়হকে ধৰি লক্ষাধিক টকাৰ সা-সামগ্ৰী চুৰি কৰে । লক ডাউনৰ বাবে গাঁওৰক্ষী বাহিনীৰ লোক নথকাৰ সুযোগ লৈ এই অভিযান চলায় চোৰে ।
লগতে পঢ়ক:চিকিৎসালয়তেই কৰ'ণা ৰোগীৰ প্ৰতিবাদ