মৰিগাঁও,১০মে' : শুকুৰবাৰে মৰিগাঁও জিলা সাংবাদিক ভৱন প্ৰেক্ষাগৃহত ছয় তিৱা সংগঠনে সম্বোধন কৰে এখন সংবাদমেল । সংবাদমেলত ছয় তিৱা সংগঠনৰ নেতৃত্বই সকিয়নী দি কয় যে ২০১৭ চনতে এক বিশেষ অভিৱৰ্তনৰ যোগেৰে দীপেন মছৰং আৰু ধৰ্মচিং বৰদলৈ নেতৃত্বতাধীন দুই সংগঠনে একেখন মঞ্চত সমবেত হৈ তিৱা সংগ্ৰামখনক আগুৱাই নিছিল ।
উল্লেখ্য যে, ৰাইজৰ টকাৰে সম্পত্তিৰ পাহাৰৰ গঢ়া তিৱা স্বায়ত্ব পৰিষদৰ মুখ্য কাৰ্যকৰী সদস্য পবন মান্তাৰ জামিন আবেদন নাকচ কৰিছিল উচ্চ ন্যায়ালয়ে । যাৰ বাবে শুকুৰবাৰে পুৱা পবন মান্তাৰৰ গ্ৰেপ্তাৰৰ দাবীত প্ৰতিবাদ সাব্যস্ত কৰিছিল তিৱা সংগঠনে । কিন্তু সেই একে দিনাই বিয়লি ছয় তিৱা সংগঠনে এখন সংবাদমেল সম্বোধন কৰি প্ৰতিবাদ সাব্যস্ত কৰা সংগঠনক ভুৱা বুলি আখ্যা দিয়ে । ইপিনে, দীপেন মছৰং আৰু ধৰ্মচিং বৰদলৈয়ে দুয়োজনেই একেখন মঞ্চত তিৱা সংগ্ৰামখনক স্থান দিবলৈ সক্ষম হৈছিল বুলি মন্তব্য কৰে । সংগঠনটোৱে সংবাদমেলত নিশাটোৰ ভিতৰতে গঠন হোৱা সংগঠনৰ কোনো অস্তিত্ব নাই বুলি মত পোষণ কৰি কয় ভুৱা সংগঠনবোৰ এতিয়াৰে পৰা সংযম নহলে আইনী ব্যৱস্থা লোৱা হ'ব । আনহাতে, ভুৱা সংগঠনবোৰ মৰিগাঁৱৰ ৰমাকান্ত দেউৰীৰ ছত্ৰছায়াত গঠন হোৱা বুলি সদৰী কৰাৰ লগতে বিধায়ক ৰমাকান্ত দেউৰীয়ে পৰিষদখনত হস্তক্ষেপ কৰাৰ পৰা বিৰত থাকিবলৈ সংবাদমেলযোগে দাবী জনায় সংগঠনটোৱে । সংগঠনটোৱে ৰমাকান্ত দেউৰীৱে জোঙালবলহু আৱক্ষ মূৰ্ত্তি প্ৰতিষ্ঠাৰ নামত ৬৬ লাখ টকা আত্মসাৎ কৰাৰ লগতে বহু কেলেংকাৰীৰো তদন্তৰ দাবী জনায় সংবাদমেলত ।