ভদীয়া বানে প্ৰাণ কাঢ়িলে কিশোৰৰ

ঘৰৰ পৰা ওলাই যাওঁতে সলিল সমাধি কিশোৰজনৰ । অকাল মৃত্যুক সাবতি লোৱা কিশোৰজন লাহৰীঘাট অমৰাগুৰিৰ মহিবুৰ ৰহমান পুত্ৰ নাচিৰ আহমেদ ৷

মৰিগাঁও, 21 চেপ্তেম্বৰঃ মৰিগাঁৱত ভদীয়া বানে প্ৰাণকাঢ়িলে 11 বছৰীয়া কিশোৰৰ । ঘৰৰ পৰা ওলাই যাওঁতে সলিল সমাধি কিশোৰজনৰ । অকাল মৃত্যুক সাবতি লোৱা কিশোৰজন লাহৰীঘাট অমৰাগুৰিৰ মহিবুৰ ৰহমান পুত্ৰ নাচিৰ আহমেদ ৷ ঘটনাৰ বিৱৰণী অনুসৰি, শনিবাৰে মৰিগাঁৱৰ লাহৰীঘাট আৰক্ষী থানাৰ অন্তৰ্গত অমৰাগুৰি গাঁৱৰ নাচিৰ আহমেদ ঘৰৰ পৰা বাটৰবড়ী গাঁৱলৈ ওলাই যোৱা সময়তে পানীত পৰি নিখোজ হয় । কিশোৰজন নিখোজ হোৱাৰ দুঘন্টা মান পিছত স্থানীয় ৰাইজে কিশোৰটি মৃত অৱস্থাত মৃতদেহ উদ্ধাৰ হয় । ঘটনাস্থলীত লাহৰীঘাট আৰক্ষী উপস্থিত হৈ উদ্ধাৰ হোৱা মৃতদেহ মৰণোত্তৰ পৰীক্ষাৰ বাবে মৰিগাঁও অসামৰিক চিকিৎসালয়লৈ প্ৰেৰণ কৰে ।