লক ডাউনঃৰাজ্যজুৰি দৰিদ্ৰৰ কাষত খাকী পোচাকধাৰী

12:46 April 08

সৰুপথাৰ আৰক্ষীৰ মহানুভৱতা...

সৰুপথাৰ,8 এপ্ৰিলঃ গোলাঘাটৰ বৰপথাৰ আৰক্ষী থানাৰ ভাৰপ্ৰাপ্ত বিষয়া যোচেফ কেভমসহ অন্য আৰক্ষীসকলে টেঙানিৰ পাঁচঘৰীয়া,কছাৰীহোলা গাঁৱৰ ৫০টা আৰ্থিকভাৱে দুৰ্বল পৰিয়ালৰ মাজত খাদ্য সামগ্ৰী প্ৰদান কৰে ৷ আৰক্ষী বিষয়া গৰাকীয়ে আন লোককো আৰ্তজনক সহায়ৰ বাবে আহ্বান জনায় ৷

12:34 April 08

কাকপথাৰৰ আৰ্তজনৰ ওচৰত ভাস্কৰজ্যোতি

শদিয়া,8 এপ্ৰিলঃ তিনিচুকীয়াৰ কাকপথাৰৰ আৰ্তজনৰ পৰিয়ালক আহাৰ যোগান ধৰাৰ মানসেৰে আগবাঢ়ি আহে এজন প্ৰাক্তন ছাত্ৰ নেতা তথা বৰ্তমান অসম আৰক্ষীৰ এজন জোৱান ভাস্কৰজ্যোতি নেওগ ৷ অসম আৰক্ষীৰ প্ৰথম এপিবিএনত কৰ্মৰত কাকপথাৰৰ তেজিপথাৰ গাঁৱৰ যুৱকজনে সামগ্ৰী প্ৰদান কৰে 30 টাকৈ পৰিয়ালক ৷ বৰ্তমান জোৱান গৰাকী ডিব্ৰুগড়ৰ চাবুৱাৰ মুলুকগাঁৱত কৰ্মৰত ৷

11:56 April 08

লখিমপুৰত খাদ্য সামগ্ৰী বিতৰণ

লখিমপুৰ,8 এপ্ৰিলঃ কৰ্তব্য পালনৰ মাজতো ৰাজ্যৰ একাংশ আৰক্ষীয়ে দেখুৱাইছে মানৱতাৰ নিদৰ্শন । অন্য প্ৰান্তৰ দৰে গৃহবন্দী হৈ পৰা ৰাজ্যৰ দৰিদ্ৰ লোকক সহায়ৰ হাত আগবঢ়াইছে লখিমপুৰ জিলাৰ আৰক্ষীয়ে ৷ বুধবাৰে বিহপুৰীয়া আৰক্ষী থানাৰ ভাৰপ্ৰাপ্ত আৰক্ষী বিষয়া হিৰণ্য পাটৰে একক প্ৰচেষ্টাৰে ৫০টা পৰিয়ালক প্ৰদান কৰে খাদ্য সামগ্ৰী ।