অনিয়মীয়া বিদ্যুৎ যোগানক কেন্দ্ৰ কৰি উত্তপ্ত কোকৰাঝাৰৰ শ্ৰীৰামপুৰ

দিনটোত মাত্ৰ ডেৰ-দুই ঘণ্টা বিদ্যুৎ যোগান ধৰি ৰাইজক জ্বলাকলা খোৱা বিভাগৰ এনে কৰ্ম কাণ্ডৰ বিৰুদ্ধে ৰাইজ জাঙুৰ খাই মহকুমা বিদ্যুৎ উপ সংমণ্ডল বিষয়া গৰাকী বাহন আৱদ্ধ কৰি উত্তাল কৰি তোলে পৰিস্থিতে

কোকৰাঝাৰ, 24 আগষ্টঃ কোকৰাঝাৰৰ শ্ৰীৰামপুৰত উত্তপ্ত পৰিস্থিতি ৷ বিদ্যুৎ উপ সংমণ্ডলৰ এছ ডি অক আৱদ্ধ স্থানীয়ৰ ৷ আৰক্ষী দ্বাৰা নিয়ন্ত্ৰণ পৰিস্থিতি ৷ এফালে উৎকট গৰম আৰু আনপিনে সঘনাই লোড শ্বেডিং । অতিষ্ঠ ৰাইজ । তেনে সময়ত শনিবাৰে গোসাঁইগাঁও মহকুমা উপ সংমণ্ডল বিষয়াই শ্ৰীৰামপুৰত উপস্থিত হৈ স্থানীয়ৰ কাটি দিয়ে বিদ্যুৎ সংযোগ ৷ বিদ্যুৎ বিল সম্পূৰ্ণ পৰিশোধ কৰাৰ পাচতো বিদ্যুৎ সংযোগ কাটি দিয়াক কেন্দ্ৰ কৰি উত্তেজনাৰ সৃষ্টি হয় অঞ্চলজুৰী । দিনটোত মাত্ৰ ডেৰ-দুই ঘণ্টা বিদ্যুৎ যোগান ধৰি ৰাইজক জ্বলাকলা খোৱা বিভাগৰ এনে কৰ্ম কাণ্ডৰ বিৰুদ্ধে ৰাইজ জাঙুৰ খাই মহকুমা বিদ্যুৎ উপ সংমণ্ডল বিষয়া গৰাকী বাহন আৱদ্ধ কৰি উত্তাল কৰি তোলে পৰিস্থিতে । পৰিস্থিতি অধিক অৱনতি হোৱাত শিমূলটাপূ আৰক্ষী চকীৰ আৰক্ষী বিষয়া জীৱন দৈমাৰী ঘটনাস্থলীত উপস্থিত হৈ পৰিস্থিতি নিয়ন্ত্ৰণ কৰে । পাছত বিদ্যুৎ বিভাগে বিল পৰিশোধ কৰা গ্ৰাহকক পুনৰ বিদ্যুৎ সংযোগ কৰি দিয়ে বিভাগটোৰ কৰ্মচাৰীয়ে । নিয়মিত বিদ্যুৎ যোগান ধৰিব নোৱাৰা বিভাগটোৰ তেনে কাম কাজে ৰাইজক তিক্ত কৰি তুলিছে মন্তব্য একাংশৰ ।