কৰিমগঞ্জ,26 জুলাই:কৰ’ণা ভাইৰাছৰ গণ সংক্ৰমণৰ দিশে আগবাঢ়িছে কৰিমগঞ্জ জিলা ৷ কৰিমগঞ্জ অসামৰিক চিকিৎসালয়ৰ মেডিচিন বিভাগলৈ চিকিৎসাৰ অৰ্থে অহা এগৰাকী ৰোগীৰ দেহত শেহতীয়াকৈ ধৰা পৰিছে কৰ’ণা ভাইৰাছৰ উপস্থিতি ৷ এই ঘটনা পোহৰলৈ অহাত আতংকৰ সৃষ্টি হয় চিকিৎসালয়খনত ৷ ঘটনাৰ বিৱৰণী অনুসৰি,শনিবাৰে নিশা জ্বৰ, কাহ, উশাহৰ সমস্যাত ভূগি থকা এগৰাকী ব্যক্তি ভৰ্তি হৈছিল চিকিৎসালয়খনৰ মেডিচিন বিভাগত ৷ অন্যান্য পৰীক্ষাৰ লগতে ৰোগীগৰাকীৰ সম্পন্ন কৰা হৈছিল স্বাৱৰ পৰীক্ষা ৷ দেওবাৰে স্বাৱ পৰীক্ষাৰ ফলাফলত ৰোগীগৰাকীৰ দেহত কৰ’ণা ভাইৰাছৰ উপস্থিতি ধৰা পৰে ৷ সম্প্ৰতি ৰোগীগৰাকীক কৰ’ণা ভাইৰাছৰ চিকিৎসাৰ অৰ্থে শিলচৰ চিকিৎসা মহাবিদ্য়ালয় হাস্পতাললৈ প্ৰেৰণ কৰাৰ সম্ভাৱনা আছে বুলি চিকিৎসালয় কৰ্তৃপক্ষই জানিবলৈ দিয়ে ৷
গণ সংক্ৰমণৰ দিশে কৰিমগঞ্জ