কৰিমগঞ্জৰ বাৰইগ্ৰামত জব্দ বৃহৎ পৰিমাণৰ ড্ৰাগছ

জিলা খনৰ বাৰইগ্ৰাম নিৰীক্ষণ চকীৰ ভাৰপ্ৰাপ্ত বিষয়া বাদল চন্দ্ৰ পালৰ নেতৃত্ব কৰা আৰক্ষীৰ দলটোৱে জব্দ কৰে ড্ৰাগছ খিনি । এই সন্দৰ্ভত আৰক্ষীয়ে দুজন লোকক আটক কৰে ।

কৰিমগঞ্জ, ১৫ জুলাই: কৰিমগঞ্জৰ বাৰইগ্ৰামত সোমবাৰে বৃহৎ পৰিমাণৰ ড্ৰাগছ জব্দ কৰা হয় । জিলা খনৰ বাৰইগ্ৰাম নিৰীক্ষণ চকীৰ ভাৰপ্ৰাপ্ত বিষয়া বাদল চন্দ্ৰ পালৰ নেতৃত্ব কৰা আৰক্ষীৰ দলটোৱে জব্দ কৰে ড্ৰাগছ খিনি । এই সন্দৰ্ভত আৰক্ষীয়ে দুজন লোকক আটক কৰে ।

এক গোপন সূত্ৰ পম খেদি আৰক্ষীয়ে ৪ নম্বৰ ৰাষ্ট্ৰীয় ঘাইপথৰ পৰা ৰাতাবাৰীৰ পৰা ৰাৰইগ্ৰাম অভিমুখে আহি থকা এখন অট' ৰিক্সাত তালাচী চলায় । তালাচী অভিযানত আৰক্ষীয়ে AS-24-8150 নম্বৰৰ অট' ৰিক্সা খনৰ পৰা 506 টেমা ইয়াবা টেবলেট জব্দ কৰে আৰু লোক দুজনক আটক কৰে । আটকাধীন লোক দুজন ৰাতাবাৰী অঞ্চলৰ আব্দুল কালাম আৰু কালাম উদ্দীন । বৰ্তমান আৰক্ষীয়ে তেওঁলোকক শোধপোচ অব্যাহত ৰাখিছে ।