কৰিমগঞ্জ,15 এপ্ৰিলঃসমগ্ৰ দেশজুৰি লকডাউন অব্যাহত থকাৰ সময়তে মঙলবাৰে নিশা কৰিমগঞ্জৰ বিনোদিনী গাঁৱত দুই পক্ষৰ মাজত সংঘটিত হয় প্ৰচণ্ড মাৰপিটৰ ঘটনা ৷ ঘটনাত গুৰুতৰ ভাৱে আহত হয় দুজনকৈ লোক ৷ আহত দুয়োজনক সংকটজনক অৱস্থাত কৰিমগঞ্জ অসামৰিক চিকিৎসালয়ত ভৰ্তি কৰোৱা হয় ৷
কৰিমগঞ্জৰ দুই পৰিয়ালৰ মাজত প্ৰচণ্ড মাৰপিট
কৰিমগঞ্জৰ বিনোদিনীত দুই ফৈদৰ মাজত প্ৰচণ্ড মাৰপিটৰ ঘটনা ৷ ঘটনাত গুৰুতৰ ভাৱে আহত দুজন ৷
ঘটনাৰ বিৱৰণ অনুসৰি বিনোদিনী এলেকাৰ স্বপ্না বেগম আৰু নেজাম উদ্দিনৰ পৰিয়ালৰ মাজত সংঘটিত হয় এই সংঘাতৰ ৷ অভিযোগ অনুসৰি নেজাম উদ্দিনে নিজৰ পৰিয়ালৰ আন চাৰিজন ভাতৃৰ সহযোগত স্বপ্না বেগমৰ পৰিয়ালৰ ছয় জনকৈ লোকৰ ওপৰত দা,লাঠি আদিৰে আক্ৰমণ চলাইছিল ৷ উল্লেখ্য যে স্বপ্না বেগমৰ এগৰাকী জীয়ৰীৰ বিবাহ সম্পন্ন হৈছিল নেজাম উদ্দিনৰ ভাতৃৰ সৈতে কিন্তু বিগত আঠ মাহ পূৰ্বে স্বামীহাৰা হয় স্বপ্না বেগমৰ জীয়ৰী গৰাকী ৷ ইয়াৰ পাছৰে পৰা সম্পত্তিৰ বাবে স্বামীৰ পৰিয়ালৰ হাতত শাৰীৰিক অত্যাচাৰৰ বলি হ'ব লগীয়া হয় বোৱাৰী গৰাকী ৷ মঙলবাৰে নিশাও বোৱাৰী গৰাকীৰ ওপৰত স্বামী পৰিয়ালে অত্যাচাৰ কৰাত সমগ্ৰ ঘটনা মাকক অৱগত কৰে স্বপ্না বেগমৰ কন্যাই ৷ ইয়াৰ পাছতে স্বপ্না বেগমে নিজৰ পৰিয়ালৰ আন সদস্যৰ সৈতে কন্যাৰ স্বামী গৃহলৈ যোৱাৰ লগে লগেই নেজাম উদ্দিনে নিজৰ আন ভাতৃৰ সহযোগত স্বপ্না বেগমৰ পৰিয়ালৰ ওপৰত আক্ৰমণৰ ঘটনা সংঘটিত কৰাৰ অভিযোগ ৷
লগতে পঢ়কঃ অদৃশ্য শত্ৰুৰ বিৰুদ্ধে এক বৃহৎ যুদ্ধ