ধন নিবলৈ আহি আটক পিডিচিকেৰ দুই কেডাৰ

বৃহস্পতিবাৰে মাজনিশা ধন নিবলৈ আহি ডকমকা থানাৰ ভিভাৰ ছয় টেৰণ গাঁৱৰ ৰাইজৰ হাতত বন্দী হয় দুজন পিডিচিকে কেডাৰ ৷ ৰাইজে কেডাৰ দুজনৰ পৰা এখন ৰিচিভ বুক আৰু ১৮ খন পিডিচিকে পেড উদ্ধাৰ কৰিবলৈ সক্ষম হয় ৷

ডিফু,31 জানুৱাৰীঃ কাৰ্বি আংলঙৰ ডকমকাত বলপূৰ্বক ধন নিবলৈ আহি ৰাইজৰ হাতত আটক উগ্ৰপন্থী সংগঠন পিডিচিকেৰ দুই কেডাৰ ৷ বৃহস্পতিবাৰে মাজনিশা ৰাইজে আটক কৰে কেডাৰ দুজনক ৷ ধন নিবলৈ আহি ডকমকা থানাৰ ভিভাৰ ছয় টেৰণ গাঁৱৰ ৰাইজৰ হাতত বন্দী হয় উগ্ৰপন্থী সদস্যদুজন ৷

কেডাৰ দুজনৰ পৰা উদ্ধাৰ কৰা জাননী

ধৃত কেডাৰ দুজন ক্ৰমে, লাংথাম ক্ৰ' গাঁৱৰ লংকি হাঞ্ছৰ পুত্ৰ জিৰছং হাঞ্ছে (20) আৰু মুকাচং গাঁৱৰ খৰছিং টেৰণৰ পুত্ৰ ক্লাৰবং টেৰণ (19) বুলি চিনাক্ত কৰা হৈছে ৷ ৰাইজে কেডাৰ দুজনৰ পৰা এখন ৰিচিভ বুক আৰু ১৮ খন পিডিচিকে পেড উদ্ধাৰ কৰিবলৈ সক্ষম হয় ৷

কেডাৰ দুজনৰ পৰা উদ্ধাৰ কৰা পিডিচিকে পেড

লগতে পঢ়ক-আমগুৰিত মে-ডাম-মে-ফী পালন