ডিফু, ১২ মাৰ্চ: শুকুৰবাৰে বিয়লি ভাগত ডিফুত সংঘটিত হয় এক বিধ্বংসী অগ্নিকাণ্ড ৷ ডিফু নিকটৱৰ্তী মাটিপুং গেছ গুদামৰ এক জনবহুল এলেকাত সংঘটিত হৈছে এই অগ্নিকাণ্ড ৷ এই ভয়াবহ অগ্নিকাণ্ডৰ ফলত তিনিটা ঘৰ সম্পূৰ্ণৰূপে জ্বলি শেষ হৈ যায় ৷ এই ভয়াবহ অগ্নিকাণ্ডত তিনিটাকৈ চিলিণ্ডাৰ বিষ্ফোৰিত হয় ৷ যাৰ ফলত সমগ্ৰ অঞ্চলটোত এক উত্তেজনাময় পৰিস্থিতিৰ সৃষ্টি হয় ৷
এই অগ্নিকাণ্ডত প্ৰাণ সিনহা, ৰূপছিং হাঞ্চে আৰু বাপন সুত্ৰধৰৰ ঘৰ জ্বলাৰ লগতে ভাড়াতীয়া অনিল ছাহা আৰু উমেশ দাসৰ ভাড়া ঘৰো জ্বলি ভষ্মীভূত হয় ৷ বৰ্তমানলৈকে এই অগ্নিকাণ্ডৰ কাৰণ জানিব পৰা হোৱা নাই যদিও বৈদ্যুতিক শ্বৰ্ট চাৰ্কিটৰ ফলতেই অগ্নিকাণ্ড সংঘটিত হোৱাৰ সন্দেহ প্ৰকাশ কৰিছে প্ৰত্যক্ষদৰ্শীয়ে ৷