ৰঙিয়াৰ মাৰলী থান বাৰ্ষিক মহোৎসৱৰ প্ৰস্তুতি তুংগত

প্ৰতি বছৰৰ দৰে এইবাৰো ২৬ জানুৱাৰীৰ গণৰাজ্য দিৱসৰ দিনা অনুষ্ঠিত হ’বলগীয়া এই মহোৎসৱত ডেৰ লাখ ভক্তক আদৰাৰ বাবে তৎপৰ হৈ পৰিছে আয়োজক সমিতি । ডেৰ লক্ষাধিক ভক্তক একেলগে খিচিৰি ভোগ খুৱাবলৈ ১০০ টা চৌকা সজাৰ লগতে ৫০০ ৰান্ধনী সাজু কৰা হৈছে ।

ৰঙিয়া,23 জানুৱাৰীঃ নামনি অসমৰ অন্যতম ধৰ্মীয় উৎসৱ ৰঙিয়াৰ মাৰলী থান বাৰ্ষিক মহোৎসৱৰ ব্যাপক প্ৰস্তুতি। প্ৰতি বছৰৰ দৰে এইবাৰো ২৬ জানুৱাৰীৰ দিনা অনুষ্ঠিত হ’বলগীয়া এই মহোৎসৱত ডেৰ লাখ ভক্তক আদৰাৰ বাবে তৎপৰ হৈ পৰিছে আয়োজক সমিতি। ডেৰ লক্ষাধিক ভক্তক একেলগে খিচিৰি ভোগ খুৱাবলৈ ১০০ টা চৌকা সজাৰ লগতে ৫০০ ৰান্ধনী সাজু কৰা হৈছে। এই বিশাল সংখ্যক ভক্তক সুচাৰুৰূপে ভোগ বিতৰণ কৰাৰ বাবে ইতিমধ্যে ১৫০০ স্বেচ্ছাসেৱক বাহিনী সাজু কৰি তোলা হৈছে ৷

উল্লেখ্য যে প্ৰতি বছৰে এই উৎসৱত ৰাজ্যৰ বিভিন্ন ঠাইৰ পৰা লক্ষাধিক ভক্তৰ সমাগম হয়। এই মহোৎসৱৰ আন এক উল্লেখনীয় বৈশিষ্ট হৈছে বিভিন্ন ধৰ্মাৱলম্বী,জাতি-জনগোষ্ঠী,ভাষা-ভাষী নিৰ্বিশেষে সকলো লোকেই উক্ত মহোৎসৱত অংশগ্ৰহণ কৰে ৷ উৎসৱৰ দিনটোত সম্প্ৰীতিৰ মিলন ক্ষেত্ৰত পৰিণত হয় এই পবিত্ৰ মাৰলী থান ক্ষেত্ৰ ।

লগতে পঢ়ক-ধেমাজিত পালন দেউৰী জনগোষ্ঠীয় মাঘ বিহু