গুৱাহাটী ,21এপ্ৰিলঃ তৃতীয় পৰ্যায়ৰ নিৰ্বাচনী প্ৰচাৰৰ অন্তিম দিনটোত গুৱাহাটীত কংগ্ৰেছৰ বিশাল ৰেলী ৷ ৰেলীত অংশ গ্ৰহণ কৰি বিজেপিৰ সমালোচনাত পুনৰ সৰৱ হৈ পৰে কংগ্ৰেছৰ জেষ্ঠ নেতাসকল ৷
বিজেপি শাসনলৈ আহিলে নাগৰিকত্ব সংশোধনী বিধেয়কখন গৃহীত কৰাৰ সিদ্ধান্ত গ্ৰহণ কৰিছে,সেয়েহে অসমৰ অস্তিত্ব ৰক্ষাৰ বাবে এই নিৰ্বাচনত বিজেপিক ভোট নিদিবলৈ জনসাধাৰণলৈ আহ্বান গুৱাহাটী লোকসভা সমষ্টিৰ কংগ্ৰেছ প্ৰাৰ্থী ববিতা শৰ্মাৰ৷ মন্ত্ৰী হিমন্ত বিশ্ব শৰ্মাৰ নৃত্যক সমালোচনা কৰি প্ৰাক্তন মন্ত্ৰী ৰকিবুল হুচেইনে কয় যে হিমন্ত বিশ্ব শৰ্মাৰ নৃত্য বিহু বা অন্য লোক নৃত্য নহয় ৷ এয়া নিৰ্বাচনত টিকট নোপোৱাৰ নৃত্য বুলি হিমন্ত বিশ্ব শৰ্মাক কটাক্ষ কৰে প্ৰাক্তন মন্ত্ৰী গৰাকীয়ে ৷ কংগ্ৰেছৰ ৰেলীত প্ৰদেশ কংগ্ৰেছৰ সভাপতি ৰিপুন বৰা, গুৱাহাটী লোকসভা সমষ্টিৰ প্ৰাৰ্থী ববিতা শৰ্মা,দিছপুৰৰ প্ৰাক্তন বিধায়ক অকণ বৰাকে ধৰি কংগ্ৰেছৰ বহু জেষ্ঠ নেতাই অংশগ্ৰহণ কৰে ।