ছয়গাঁৱৰ গোবৰ্ধনত ৰে’লৰ খুন্দাত এজন নিহত

ছয়গাঁৱৰ গোৱৰ্ধনত ৰে’লৰ চেপাত নিহত হয় এক নং জিয়াকুৰ গাঁৱৰ বীৰেন কলিতা নামৰ লোক ৷

ছয়গাঁও, 23 জানুৱাৰীঃ বৃহস্পতিবাৰে ছয়গাঁও থানাৰ অন্তৰ্গত গোৱৰ্ধনত ৰে’লৰ চেপাত নিহত হয় এজন লোক ৷ নিহত লোকজন ১ নং জিয়াকুৰ গাঁৱৰ বীৰেন কলিতা বুলি চিনাক্ত কৰা হৈছে ৷

সন্ধিয়া ৰে’লৰ চেপাত সংঘটিত হয় এই কৰুণ ঘটনাটো ৷ কামাখ্যা যোগীঘোপা ৰে’লপথত ৰে’লৰ চেপাত ক্ষত-বিক্ষত হৈ পৰে লোক জনৰ মৃতদেহটো ৷ অৱশ্যে এইয়া দুৰ্ঘটনা নে আত্মহত্যা সেয়া এতিয়ালৈকে জানিব পৰা হোৱা নাই ৷