কামৰূপ, 27 ফেব্ৰুৱাৰীঃদুদিনীয়া কাৰ্যসূচীৰে গুৱাহাটীত উপস্থিত ভাৰতীয় বিমান বন্দৰ প্ৰাধিকৰণৰ নৱ নিযুক্ত অধ্যক্ষ অৰবিন্দ সিং ৷ প্ৰথমবাৰৰ বাবে গুৱাহাটীত উপস্থিত হোৱাৰ পাছত গুৱাহাটীৰ বৰঝাৰস্থিত লোকপ্ৰিয় গোপীনাথ বৰদলৈ আন্তর্জাতিক বিমান বন্দৰৰ উন্নয়ন সম্পৰ্কীয় এক পর্যালোচনা বৈঠকত ভাগ লয় অধ্যক্ষ অৰবিন্দ সিঙে ।
অৰবিন্দ সিঙৰ গুৱাহাটী ভ্ৰমণ
এই বৈঠকত উপস্থিত থাকে প্ৰাধিকৰণৰ উত্তৰ-পূৱ মণ্ডলৰ ক্ষেত্ৰীয় কাৰ্যবাহী সঞ্চালক সঞ্জীৱ জিন্দালকে ধৰি বিমান সেৱাৰ লগত জড়িত ব্যক্তিসকল । ইফালে অধ্যক্ষ অৰবিন্দ সিঙে অসমৰ লগতে উত্তৰ-পূৰ্বাঞ্চলৰ বিমান বন্দৰ সমূহৰ উন্নয়ন ভূমি অধিগ্রহণ সন্দৰ্ভত দিছপুৰত অসম চৰকাৰৰ মূখ্য সচিব কুমাৰ সঞ্জয় কৃষ্ণৰ সৈতে এক উচ্চ পর্যায়ৰ বৈঠকত মিলিত হয় ।