5 বজাৰ শীৰ্ষ দহটা খবৰ

5 বজাৰ শীৰ্ষ দহটা খবৰ

সংযুক্ত হৈ ভাৰত আক্ৰমণৰ পৰিকল্পনা চীন আৰু পাকিস্তানৰঃ স্থলসেনা প্ৰধান

স্থলসেনা দিৱসৰ পূৰ্বেই সম্বোধন কৰা বাৰ্ষিক সংবাদমেলত স্থলসেনা সন্দৰ্ভত কেতবোৰ গুৰুত্বপূৰ্ণ মন্তব্য কৰে স্থলসেনা প্ৰধান জেনেৰেল মনোজ মুকুন্দ নাৰাৱানে ৷ দিল্লীৰ স্থলসেনা মুখ্যালয়ৰ সভাকক্ষৰ পৰা সম্বোধন কৰা সংবাদমেলত চীন আৰু পাকিস্তানৰ ভূমিকাক লৈ সৰৱ হৈ পৰে স্থলসেনা প্ৰধানগৰাকী ৷

নিৰ্বাচনী প্ৰস্তুতিৰে অসমলৈ আহিব প্ৰধানমন্ত্ৰী মোডী

সমাগত বিধানসভা নিৰ্বাচনৰ প্ৰতি লক্ষ্য ৰাখি অসমলৈ আহিব প্ৰধানমন্ত্ৰী নৰেন্দ্ৰ মোডী ৷ ইতিমধ্যে অসমৰ ৰাজনৈতিক পৰিস্থিতিৰ বুজ লৈছে কেবাগৰাকীও শীৰ্ষ বিজেপি নেতাই ৷ ইয়াৰ ভিতৰত কেন্দ্ৰীয় গৃহমন্ত্ৰী অমিত শ্বাহ, বিজেপিৰ ৰাষ্ট্ৰীয় অধ্যক্ষ জগতপ্ৰকাশ নাড্ডা আৰু বিজেপিয়ে নিযুক্ত কৰা ৰাজ্যিক বিজেপিৰ নিৰ্বাচনী প্ৰভাৰী বৈজয়ন্ত জয় পাণ্ডা অন্যতম আছিল ৷

কৃষি আইন সন্দৰ্ভত উচ্চতম ন্যায়ালয়ৰ গুৰুত্বপূৰ্ণ মন্তব্য

উচ্চতম ন্যায়ালয়ে তিনিখন ফাৰ্ম বিধেয়কৰ বিৰোধিতা কৰাৰ লগতে দিল্লীৰ সীমান্তৰ পৰা বিক্ষোভকাৰী সকলক অপসাৰণৰ বাবে দিয়া কেইবাখনো আবেদনৰ শুনানি আৰম্ভ কৰিছে ৷ উচ্চতম ন্যায়ালয়ৰ প্ৰধান বিচাৰপতি এছ বোবডেৰ নেতৃত্বাধীন বিচাৰপীঠৰ বিচাৰপতি এ এছ বোপান্না আৰু ভি ৰামসুব্ৰমণিয়মৰ দ্বাৰা গঠিত এখন বিচাৰপীঠে কয় যে, নিৰ্দেশৰ বাবে মঙলবাৰে এই বিষয় সমূহ অন্তৰ্ভুক্ত কৰাৰ বাবে পৰামৰ্শ প্ৰদান কৰে ৷

24 বছৰে মাঘৰ মেজি জ্বলা নাই কেকেৰীকুছিত

সমগ্ৰ ৰাজ‍্য সাজু হৈছে ভোগালী বিহুক আদৰিবলৈ। কিন্তু ৰঙিয়াৰ কেকেৰীকুছি গাঁৱত নাই বিহুক আদৰাৰ কোনো প্ৰস্তুতি ৷ চৌব্বিশ বছৰ পূৰ্বে উৰুকাৰ নিশা গাঁওখনত চলা হত‍্যালীলাৰ কথা সুৱৰি আজিও গাঁওবাসীয়ে চকুপানী টোকে।

21’ ৰ নিৰ্বাচনত নট্ আউট হৈ থাকিব ৰূপজ্যোতি কুৰ্মী

কলিয়াপানী যুৱ মঞ্চৰ উদ্যোগত কলিয়াপানীত আয়োজিত হোৱা দিবা-নৈশ ক্ৰিকেট প্ৰতিযোগিতাৰ চূড়ান্ত খেলৰ প্ৰাক মূহুৰ্তত ক্ৰিকেটাৰৰ ৰূপত দেখা গ'ল কংগ্ৰেছী বিধায়ক ৰূপজ্যোতি কুৰ্মীক ৷ প্ৰতিযোগিতাখনৰ চূড়ান্ত খেলৰ প্ৰাক মুহূৰ্তত টীয়ক প্ৰেছ ক্লাৱ আৰু কন্ঠশিল্পী ভৃগু কাশ্যপ দলৰ মাজত এখন প্ৰীতি খেল অনুষ্টিত হয় ৷ ভৃগু কাশ্যপৰ হৈ দলত অংশগ্ৰহণ কৰে মৰিয়নীৰ বিধায়ক ৰূপজ্যোতি কুৰ্মীয়ে ৷

ৰঙিয়াত বন্ধন বেংকৰ বিৰুদ্ধে গ্ৰাহকক প্ৰৱঞ্চনাৰ অভিযোগ

ৰঙিয়াত উত্থাপন হৈছে বন্ধন বেংকৰ গ্ৰাহকক প্ৰৱঞ্চনাৰ অভিযোগ ৷ পশ্চিম চেনীমাৰাৰ ১৫০ জন গ্ৰাহকৰ একাউন্টত অজ্ঞাতে ঋণৰ ৰাশি জমা কৰাৰ গুৰুতৰ অভিযোগ উত্থাপন কৰিছে অঞ্চলটোৰ গ্ৰাহক সকলে ৷

ঋণ দিয়াৰ নামত প্ৰৱঞ্চনাঃ ৰাইজৰ হাতত আবদ্ধ প্ৰৱঞ্চক

নগাঁৱৰ কামপুৰত ঋণ দিয়াৰ নামত প্ৰৱঞ্চনাৰে মাইক্ৰফাইনেঞ্চ কোম্পানীৰ লুণ্ঠন ৷ ধন নিবলৈ আহি ৰাইজৰ হাতত আবদ্ধ হ'ল এটা প্ৰৱঞ্চক ৷ ৰাজ্য চৰকাৰে মাইক্ৰ ফাইনেঞ্চ কোম্পানীক যিমানেই নাকী লগাবলৈ চেষ্টা নকৰক কিয় সাধাৰণ জনতাক লুটি পুটি খাইছে মাইক্ৰফাইনেঞ্চ কোম্পানী সমূহে ৷ এইবাৰ মাইক্ৰফাইনেঞ্চ কোম্পানীৰ ঋণ দিয়াৰ নামত ধন সংগ্ৰহ কৰা এটা প্ৰৱঞ্চকক আবদ্ধ কৰিলে ৰাইজে ৷

ডুমডুমাত চিকিৎসাকৰ্মীক আক্ৰমণৰ অভিযোগ

তিনিচুকীয়াৰডুমডুমা FRU চিকিৎসালয়ত চিকিৎসাকৰ্মীক একাংশ লোকে আক্ৰমণৰ গুৰুতৰ অভিযোগ উত্থাপিত হৈছে । ঘটনাৰ বিৱৰণী অনুসৰি,ডুমডুমাৰ সমীপৰ বিছাকুপিত এক ভয়ংকৰ পথ দুৰ্ঘটনা সংঘটিত হ'য় । এই পথ দূৰ্ঘটনাটোত মটৰ চাইকেল আৰোহী ফুলেশ্বৰ বৰ্মন নামৰ এগৰাকী ৪০ বছৰীয়া লোক গুৰুতৰভাৱে আহত হৈ মুমূৰ্ষু অৱস্থাত ৰাষ্ট্ৰীয় ঘাইপথৰ দাঁতিত পৰি আছিল ।

ভোগালীৰ প্ৰস্তুতিত ব‍্যস্ত বিধায়ক মৃণাল শইকীয়া

কাইলৈ উৰুকা,উৰুকাৰ প্ৰাকমূহুৰ্তত অসমৰ প্ৰতিখন জিলাতে চলিছে ব্যাপক প্ৰস্তুতি ৷ প্ৰত্যেক বছৰৰ দৰে এইবাৰো ভোগালীৰ প্ৰস্তুতিত ব‍্যস্ত হ'ল বিধায়ক মৃণাল শইকীয়া। শৈশৱত খৰি ফলা আদিক লৈ নষ্টালজিক বিধায়ক গৰাকী। মঙলবাৰে পুৱাৰে পৰা খৰি ফলাত ব্যস্ত হ'ল বিধায়ক মৃণাল শইকীয়াই । মেজিৰ তলত হাঁহে মাহে খোৱাৰ প্ৰস্তুতি বিধায়ক গৰাকীৰ। এই সম্পৰ্কত চাওক আমাৰ এক প্ৰতিবেদন...

বিলাসীপাৰাত ব্যৱসায়ীক ডিঙি কাটি হত্যা দুৰ্বৃত্তৰ

বিলাসীপাৰাৰ সাপটগ্ৰাম দাউদপাৰাত লোমহৰ্ষক হত্যাকাণ্ড ৷ অচিনাক্ত দুবৃত্তই ডিঙি কাটি হত্যা কৰিলে ব্যৱসায়ী অনুপম দেক ৷ ঘটনাস্থলীত উপস্থিত হয় আৰক্ষী ৷ আৰক্ষীয়ে ঘটনাৰ আৰম্ভ কৰিছে তদন্ত ৷