11 বজাৰ 10টা শীৰ্ষ সংবাদ

11 বজাৰ 10টা শীৰ্ষ সংবাদ

চিৰাঙত পুৱা 7:30 বজাৰ পৰা ভোটগ্ৰহণ আৰম্ভ । 403 নম্বৰ নিলিবাৰী প্ৰাথমিক বিদ‍্যালয়ত মন্ত্ৰী চন্দন ব্ৰহ্মৰ ভোটদান ৷ চিৰাঙ জিলাৰ মুঠ 7 টা পৰিষদীয় সমষ্টিৰ 34 প্ৰাৰ্থীৰ আজি নিৰ্ণয় হ'ব ভাগ্য ৷

জোনাইত প্ৰকৃতিপ্ৰেমী যুৱকৰ ব্যতিক্ৰমী প্ৰচেষ্টা ৷ হাতে হাতে ৰঙ, ব্ৰাচ আৰু অৰ্কিড লৈ পবা বনাঞ্চলৰ সৌন্দৰ্য বৰ্ধনৰ চেষ্টা যুৱকৰ এটা দলৰ ৷ প্ৰায় 30 ৰো অধিক লুপ্তপ্ৰায় অৰ্কিড ৰোপন যুৱকৰ দলটোৰ ৷

নিৰ্মাণকাৰ্য চলি থকাৰ মাজতে জোনাইৰ এটা পকী পথৰ বিতুমিন চপৰা চপৰে এৰি যোৱাৰ অভিযোগ ৷ নিম্ন মানৰ পথ নিৰ্মাণক লৈ সামাজিক মাধ্যমত সমালোচনাৰ সন্মুখীন বিধায়ক ভূৱন পেগু ৷ নিজেই গৈ পথ পৰিদৰ্শন কৰিলে বিধায়ক গৰাকীয়ে ৷

ধেমাজিত উপস্থিত হোৱাৰ লগে লগে প্ৰাক্তন আছু নেতা গৰাকীক ধেমাজি তিনিআলিৰ পৰা গায়নে বায়নে আদৰি আনে ধেমাজি জিলা আছু কাৰ্যালয়ৰ শ্বহীদ উদ্যানলৈ ৷ শ্বহীদ উদ্যানত বন্তি প্ৰজ্বলন কৰি সেৱা লোৱাৰ পিছত পুনৰ সমদলৰ মাজেৰে ধেমাজি কাছাৰী ময়দানৰ বিদায় অনুষ্ঠানলৈ আদৰি নিয়ে ৷

বিটিচি নিৰ্বাচনৰ বাবে গৃহৰক্ষী জোৱানক ৮০০ আৰু অসম আৰক্ষীৰ জোৱান সকলক ১৫০০ টকা মাননী দিছে বাক্সা জিলাত। কিন্তু একেখিনি লোকক চিৰাঙত আহি ৬০০ আৰু ৮০০ টকা দিছে । সেয়ে আৰক্ষীয়ে আৰক্ষীয়েই আৰক্ষীৰ টকা আত্মসাৎ কৰাৰ অভিযোগ উত্থাপন কৰে জোৱান সকলে ৷

বৃহস্পতিবাৰে কেবিনেটে পিএম-ৱানি (Wi-Fi Access Network Interface) আঁচনিৰ বাবে অনুমোদন প্ৰদান কৰিব ৷ এই আঁচনিখনে প্ৰযুক্তিৰে বিশ্বক সংশোধন কৰিব আৰু দেশজুৰি ৱাই-ফাইৰ উপলব্ধতা উচ্চ হাৰত বৃদ্ধি কৰিব বুলি প্ৰধানমন্ত্ৰী নৰেন্দ্ৰ মোদীয়ে জানিবলৈ দিয়ে ৷

জিলা খনৰ চামগুৰিৰ বৰমাবিল গাঁৱৰ সমীপৰ এটা এলেকাত এজন ঠিকাদাৰৰ প্ৰত্যক্ষ হস্তক্ষেপত কলংৰ মাটি খন্দাক কেন্দ্ৰ কৰি সম্প্ৰতিৰ ক্ষোভিত হৈ পৰে একাংশ স্থানীয় ৰাইজ । ঠিকাদাৰে জেচিবি, ট্ৰেক্টৰ আদিৰে অবৈধভাৱে মাটি খান্দি সেই মাটি ন্যূনতম ৫০০ টকা মূল্যৰ বিনিময়ত বিক্ৰী কৰাৰ অভিযোগ উত্থাপন কৰিছে ক্ষুব্ধ স্থানীয় ৰাইজে ।

বিদেশী লোকক চিনাক্ত কৰিবৰ বাবে প্ৰস্তুত কৰা এন আৰ চি সন্দৰ্ভত পোহৰলৈ আহিছে ভয়ংকৰ তথ্য ৷ এন আৰ চিত বিদেশীৰ নাম অন্তৰ্ভুক্ত হোৱাৰ কথা নাগৰিক পঞ্জী কৰ্তৃপক্ষই শপতনামা যোগে গুৱাহাটী উচ্চ ন্যায়ালয়ত স্বীকাৰ ।

মাতৃদুগ্ধ সংৰক্ষিত কৰি ৰখাৰ উদ্দেশ্যেৰে ৰ'টাৰী ক্লাবে গুৱাহাটীৰ ছাত্ৰীবাৰী খ্ৰীষ্টিয়ান হাস্পতালত স্থাপন কৰিলে মাতৃদুগ্ধ বেংক ৷ উত্তৰ-পূৰ্বাঞ্চলৰ স্বাস্থ্য খণ্ডত সংযোজিত এইটোৱেই হ'ল প্ৰথমটো মাতৃদুগ্ধ বেংক ৷ মাতৃদুগ্ধৰ অভাৱত বহু নৱজাতকৰ মৃত্যুৰ হাৰ হ্ৰাস উদ্দেশ্যেৰে ৰ'টাৰী ক্লাবে হাতত লৈছে এই বিশেষ পদক্ষেপ ৷

কামৰূপ জিলাৰ মুখ্য ন্যায়িক দণ্ডাধীশৰ আদালতে মঙলবাৰে নাকচ কৰে SI পৰীক্ষা কেলেংকাৰীৰ অভিযুক্ত সৰোজ শৰ্মাৰ জামিন আবেদন । একেদৰে পৰীক্ষা কেলেংকাৰীৰ মাষ্টাৰ মাইণ্ড কুমাৰ সঞ্জীত কৃষ্ণ আৰু দ্বিবন ডেকাৰো জামিন আবেদন নাকচ হয় । সম্প্ৰতি আটাইকেইগৰাকী অভিযুক্ত বৰ্তমান ন্যায়িক জিম্মাত আছে ।