11 বজাৰ শীৰ্ষ দহটা বাতৰি

11 বজাৰ শীৰ্ষ দহটা বাতৰি

শুকুৰবাৰে গুৰু নানকৰ জন্মজয়ন্তী উপলক্ষে দেশবাসীক সম্বোধন কৰিলে প্ৰধানমন্ত্ৰী নৰেন্দ্ৰ মোডীয়ে ৷ দেশবাসীক সম্বোধন কৰি তিনিওখন কৃষি আইন প্ৰত্যাহাৰৰ কথা ঘোষণা কৰে প্ৰধানমন্ত্ৰীয়ে ৷ চাওক ভিডিঅ’...

দুদিনয়া কাৰ্যসূচীৰে মাজুলী লৈ অহা মুখ্যমন্ত্ৰী হিমন্ত বিশ্ব শমাই বৃহস্পতিবাৰে সন্ধিয়া যোৰহাট মাজুলী সংযোগী দলঙৰ নিৰ্মাণ স্থলী পৰিদৰ্শন কৰে । দলঙৰ নিৰ্মাণ স্থলী পৰিদৰ্শন কৰি দলং নিৰ্মাণ সংস্থাৰ সৈতে মত বিনিময় কৰে মুখ্যমন্ত্ৰী গৰাকীয়ে । ৰাস মহোৎসৱৰ মাজতে মাজুলীবাসীক সুখী কৰি মুখ্যমন্ত্ৰী ড৹ হিমন্ত বিশ্ব শৰ্মাৰ ঘোষণা, ৩০ নৱেম্বৰৰ পৰা আৰম্ভ হ'ব যোৰহাট-মাজুলী সংযোগী দলং নিৰ্মাণৰ কাম ৷ অহা চাৰি বছৰৰ ভিতৰত সম্পূৰ্ণ হ'ব মাজুলীবাসীৰ সপোনৰ দলংখন । ইফালে যোৰহাট-মাজুলী দলং নিৰ্মাণস্থলী পৰিদৰ্শন কৰি ৩০ নৱেম্বৰত দলঙৰ প্ৰথমটো খুঁটা পোতাৰ লগতে দুই এদিনৰ ভিতৰতে ভূমি অধিগ্ৰহণৰ বাবে প্ৰয়োজনীয় ধন মুকলি কৰি দিব বুলি ঘোষণা কৰে মুখ্যমন্ত্রী গৰাকীয়ে ।

আজি ৰাস পূৰ্ণিমা ৷ ক’ভিড মহামাৰীৰ ভয়বহতাৰ মাজতো চৰকাৰী নীতি-নিৰ্দেশনা মানি ৰাজ্যৰ ভিন্ন প্ৰান্তত উদযাপন কৰা হৈছে ৰাস মহোৎসৱ ৷ ক’ত, কেনেদৰে উদযাপন কৰা হৈছে শ্ৰীকৃষ্ণৰ ৰাসক্ৰীড়া ? সৱিশেষ এই বিশেষ প্ৰতিবেদনত...

ৰাজ্যৰ বিদ্যালয়ে বিদ্যালয়ে এতিয়া ক’ভিডৰ সংক্ৰমণ । এইবাৰ গোৱালপাৰা সৈনিক স্কুলৰ ছাত্র আৰু শিক্ষক আক্ৰান্ত হল ক’ভিডত ।

400 খন বিদ্যালয় বন্ধ কৰি দিছে অৰুণাচল প্ৰদেশে ৷ কি উদ্দেশ্য লৈ লোৱা হ’ল এই সিদ্ধান্ত জনালে খোদ মুখ্যমন্ত্ৰী পেমা খাণ্ডুৱে ৷

যৌন নিৰ্যাতন সন্দৰ্ভত বোম্বে উচ্চ ন্যায়ালয়ে(Bombay High Court) প্ৰদান কৰা ৰায় বৃহস্পতিবাৰে খাৰিজ কৰিলে উচ্চতম ন্যায়ালয়ে(Supreme Court) । বোম্বে উচ্চ ন্যায়ালয়ে ৰায় দিছিল যে, অভিযুক্তই নিৰ্যাতিতাৰ শৰীৰত স্পৰ্শ কৰিলেহে POCSO আইনৰ অধীনত যৌন নিৰ্যাতন হোৱা বুলি বিবেচনা কৰা হ'ব । অন্যথা এনে কাৰ্যক নিৰ্যাতন বুলি গণ্য কৰা নহয় ।

ৰাস নাচিবলৈ আহি মৃত্যুক আঁকোৱালি ল’লে এগৰাকী যুৱতীয়ে ৷ তীব্ৰ বেগী ডাম্পাৰে মহতিয়াই নিয়ে যুৱতীগৰাকী আহি থকা স্কুটীখন ৷

দুদিনীয়া কাৰ্যসূচীৰে মাজুলীলৈ অহা মুখ্যমন্ত্রী হিমন্ত বিশ্ব শৰ্মা বৃহস্পতিবাৰে দক্ষিণপাট সত্ৰৰ ১৮১ সংখ্যক ৰাস মহোৎসৱত উপস্থিত হয় । এই ১৮১ সংখ্যক ৰাস মহোৎসৱত উপস্থিত থাকিবলৈ পাই নিজকে সৌভাগ্যবান বুলি সাংবাদিকৰ আগত কয় মুখ্যমন্ত্রী গৰাকীয়ে । ইফালে সাংবাদিকৰ আগত তেওঁ আৰু কয় যে, এই বছৰ ক'ভিডৰ বাবে কেইদিনমানৰ আগলৈকে ৰাস পাতিব পৰা যাব নে নাযায় সেইটো সিদ্ধান্ত ল'ব পৰা হোৱা নাছিল ৷ কিন্তু এতিয়া পৰিবেশ অলপ সুস্থিৰ হৈছে যদিও ক'ভিড প্রট’কল মানি ৰাস আয়োজন কৰিব পৰা হৈছে । যদি ক'ভিডৰ তৃতীয় ঢৌ নাহে, তেন্তে অহা বছৰ ৰাসক প্রচাৰ আৰু প্রসাৰত আৰু অধিক গুৰুত্ব দিব বুলি কয় মুখ্যমন্ত্রী গৰাকীয়ে ।

বৃহস্পতিবাৰে গুৱাহাটীৰ সাহিত্য সভাৰ কাৰ্যালয়ৰ সভাকক্ষত উন্মোচন কৰা হয় সাহিত্য সভাই প্ৰকাশ কৰা হয় তিনিখন গ্ৰন্থ । সভাত উপস্থিত থাকে সাহিত্য সভাৰৰ প্ৰধান সম্পাদক যাদৱ শৰ্মা আৰু উপ-সভাপতি মৃনালিনী দেৱীৰ ৷

মুখ্যমন্ত্ৰী হিমন্ত বিশ্ব শৰ্মা অহংকাৰী ৷ শিক্ষকক সন্মান কৰিব নাজানে তেওঁ ৷ সতীৰ্থ মন্ত্ৰীৰ লগত সহযোগ নাই ড৹ শৰ্মাৰ ৷ জানো আহক কোনে কিয় কৰিলে অভিযোগ ৷