লোকসভা নিৰ্বাচনৰ টিকট বিচাৰি ৰাজীৱ ভৱনত ভিৰ কংগ্ৰেছী নেতাৰ

এইবাৰ টিকট লাভ কৰিব বুলি আশাবাদী বিলীন বৰদলৈ

গুৱাহাটী,১৬ ফেব্ৰুৱাৰী: আগন্তুক লোকসভা নিৰ্বাচনৰ বাবে টিকট বিচাৰি ৰাজীৱ ভৱনত ভিৰ কংগ্ৰেছী নেতাৰ । দলীয় উচ্চবৰ্গই টিকট প্ৰদান কৰিব বুলি আশাবাদী সকলো।

সমাগত লোকসভা নিৰ্বাচন। সেয়েহে নিৰ্বাচনী ৰণনীতি তৈয়াৰ কৰাৰ লগতে প্ৰতিটো সমষ্টিত প্ৰতিদ্বন্দিতা কৰিবৰলৈ আৰম্ভ হৈছে যোগ্য প্ৰাৰ্থীৰ নিৰ্বাচনী প্ৰক্ৰিয়া । অসমৰ ১৪টা লোকসভা সমষ্টিৰ বাবে কংগ্ৰেছ দলে আৰম্ভ কৰিছে প্ৰাৰ্থী নিৰ্বাচনৰ প্ৰক্ৰিয়া। কেৱল এয়াই নহয়,প্ৰাৰ্থী নিৰ্বাচনকলৈ ৰাজীৱ ভনৱত চলিছে দলীয় মিটিং।

গুৱাহাটী লোকসভা সমষ্টিৰ পৰা টিকট বিচাৰি আবেদন কৰিছে গোপীনাথ বৰদলৈৰ পুত্ৰ বিলীন বৰদলৈয়ে। ইয়াৰ পূৰ্বেও কেইবাবাৰো লোকসভা আৰু বিধানসভাৰ প্ৰাৰ্থীৰ বাবে দলৰ কাষ চাপিছিল যদিও টিকট লাভ কৰিবলৈ সক্ষম হোৱা নাছিল বিলীন বৰদলৈ। পাচে,এইবাৰ টিকট লাভ কৰিব বুলি আশাবাদী বিলীন বৰদলৈ ।