গুৱাহাটী,2 জানুৱাৰীঃগুৱাহাটী মহানগৰীৰ মাজমজিয়াত নিচাযুক্ত সামগ্ৰীৰ ব্যৱসায়ৰ সন্দৰ্ভত বৃহস্পতিবাৰে আৰক্ষীয়ে আটক কৰে এজনক ৷ প্ৰাপ্ত তথ্য অনুসৰি,মহানগৰীৰ ফাঁচীবজাৰত এক সূত্ৰৰ পম খেদি আৰক্ষীয়ে এক অভিযান চলায় ৷ পোখৰাজ ট্ৰেডাৰ্চ নামৰ ব্যৱসায়িক প্ৰতিষ্ঠানখনত চলে এই অভিযান ।
সদৌ অসম একত্ৰিত যুৱ পৰিষদে ব্যৱসায়িক প্ৰতিষ্ঠানখনত দীৰ্ঘদিন ধৰি নিচাযুক্ত সামগ্ৰী বিক্ৰী হৈ থকাৰ বিষয়ে অভিযোগ দিছিল ফাঁচীবজাৰ আৰক্ষীক । এই অভিযোগৰ ভিত্তিতে আৰক্ষীয়ে ব্যৱসায়িক প্ৰতিষ্ঠানখনত অভিযান চলায় ৷ আৰক্ষীৰ অভিযানত ব্যৱসায়িক প্ৰতিষ্ঠানটোৰ পৰা জব্দ হয় নিচাযুক্ত সামগ্ৰীৰ লগতে বহুসংখ্যক বিদেশী চিগাৰেট ৷ ঘটনা সংক্ৰান্তত প্ৰতিষ্ঠানটোৰ স্বত্বাধিকাৰী অভয় জৈনক আৰক্ষীয়ে আটক কৰি সোধ-পোচ অব্যাহত ৰাখিছে ।
লগতে চাওকঃঅসম ৰাজ্যিক চিৰিয়াখানাত বিশেষ যন্ত্ৰৰ সহায়ত উৎপাদন কৰা হ'ব ঘাঁহ