গুৱাহাটী,১২ মাৰ্চ : বিজেপিত কোনো দ্বিতীয় নাই, সকলোতে কেৱল নৰেন্দ্ৰ মোডী । ১ নম্বৰৰ পৰা ১০ নম্বৰলৈ সকলোতে কেৱল নৰেন্দ্ৰ মোডী । এই মন্তব্য কেন্দ্ৰীয় সংখ্যালঘু পৰিক্ৰমা মন্ত্ৰী তথা ৰাজ্যসভাৰ উপ-দলপতি মুখতাৰ আব্বাছ নাকভিৰ (Minority Affairs Minister Mukhtar Abbas Naqvi)। শুকুৰবাৰে গুৱাহাটীত এখন সংবাদমেল সম্বোধন কৰাৰ পাছত সাংবাদিকে সোধা প্ৰশ্নৰ উত্তৰত তেওঁ এইদৰে কয় (Minister Mukhtar Abbas Naqvi at Guwahati)।
বিজেপিত ১ নম্বৰৰ পৰা ১০ নম্বৰলৈ সকলোতে কেৱল মোডী : মুখতাৰ আব্বাছ নাকভি
তেওঁ কয় যে মোডীৰ নেতৃত্বক লৈ বিজেপিত কাৰো কোনো দ্বিমত নাই তথা কোনো বিতৰ্ক নাই । নৰেন্দ্ৰ মোডী শীৰ্ষ আৰু জনপ্ৰিয় নেতা বুলি উল্লেখ কৰি তেওঁ কয় যে নৰেন্দ্ৰ মোডী বিজেপিৰ সকলোৰে নেতা (Minister Mukhtar Abbas Naqvi praises PM Modi)। ইয়াক লৈ অযথা বিতৰ্ক কৰি কোনো লাভ নাই । সমগ্ৰ বিশ্বত মোডী শান্তিৰ প্ৰতীক তথা প্ৰগতিৰ 'আইকন' হিচাপে পৰিগণিত হৈছে ।