গুৱাহাটী, ২০ ফেব্ৰুৱাৰী:কেন্দ্ৰীয় চৰকাৰে গ্ৰহণ কৰা নাই ন্যায়াধীশ বিপ্লৱ কুমাৰ শৰ্মা নেতৃত্বাধীন কমিটিৰ প্ৰতিবেদন ৷ অসমীয়াৰ সাংবিধানিক ৰক্ষাকৱচ নিশ্চিতকৰণ সন্দৰ্ভত অসম চুক্তিৰ ৬ নং দফা কাৰ্যকৰীকৰণৰ বাবে কেন্দ্ৰীয় চৰকাৰে গঠন দিছিল ন্যায়াধীশ বিপ্লৱ কুমাৰ শৰ্মাৰ নেতৃত্বত এখন বিশেষ কমিটি ৷ কিন্তু বৰ্তমান ৰহস্যজনকভাৱে এই কমিটিয়ে দাখিল কৰা প্ৰতিবেদন গ্ৰহণ কৰা নাই কেন্দ্ৰীয় চৰকাৰে । ইতিমধ্যে এই কমিটিয়ে প্ৰতিবেদন সাজু কৰি দহ দিন পূৰ্বেই কেন্দ্ৰীয় গৃহ দপ্তৰক অৱগত কৰিলে যদিও এই পৰ্যন্ত প্ৰতিবেদন গ্ৰহণ কৰিবলৈ আগ্ৰহেই প্ৰকাশ কৰা নাই গৃহ মন্ত্ৰী অমিত শ্বাহে । উপায়ন্তৰ হৈ অসমৰ বিশিষ্ট একাংশ লোকক লৈ গঠন কৰি দিয়া এই উচ্চ ক্ষমতা সম্পন্ন কমিটিখনে ৰাজ্য চৰকাৰৰ অসম চুক্তি ৰূপায়ণ বিভাগকেই বন্ধ খামত ইতিমধ্যে দাখিল কৰিছে প্ৰতিবেদন ।
অসম চু্ক্তিৰ 6 নং দফা কাৰ্যকৰীকৰণৰ বাবে আগ্ৰহী নহয় অমিত শ্বাহ