নিউজ ডেস্ক, 5 এপ্ৰিলঃ লক ডাউনৰ 12 দিনতো কেন্দ্ৰীয় চৰকাৰে ঘোষণা কৰাৰ দৰে বৰ্তমানেও অসমৰ বহু ঠাইৰ লোকে সাহাৰ্য লাভ কৰা নাই বুলি উল্লেখ কৰে বিৰোধী দলপতি দেবব্ৰত শইকীয়াই । ভাৰতৰ বহু ৰাজ্যই ৰাজ্যবাসীৰ বাবে কিছুমান পেকেজ ঘোষণা কৰিছে যদিও, অসম চৰকাৰে কোনো ধৰণৰ পেকেজ বৰ্তমানলৈ ঘোষণা কৰা নাই বুলি কয় বিৰোধী দলপতি গৰাকীয়ে । তদুপৰি কেন্দ্ৰীয় চৰকাৰে ঘোষণা কৰা অনুসৰি আবদ্ধ হৈ থকা শ্ৰমিক সকলে পাবলগীয়া খাদ্য বা অন্যান্য সুবিধা সমূহো তেওঁলোকে পোৱা নাই বুলি কয় তেওঁ । লক ডাউনৰ সময়ত চৰকাৰে ষোঘণা কৰা অনুসৰি কোনো সুবিধা বৰ্তমানলৈ বহু অঞ্চলৰ লোকে পোৱা নাই বুলি উল্লেখ কৰে বিৰোধী দলপতি দেবব্ৰত শইকীয়াই । সেয়েহে লক ডাউনৰ সময়ত হাহাকাৰ পৰিস্থিতিৰ সৃষ্টি হোৱা লোকৰ বাবে অসম চৰকাৰক কোনো পদক্ষেপ গ্ৰহণ কৰিবলৈ আহ্বান জনায় দেৱব্ৰত শইকীয়াই ।
কেন্দ্ৰীয় চৰকাৰে ঘোষণা কৰা সাহাৰ্যৰ পৰা বিৰত অসমৰ বহু অঞ্চলঃ দেবব্ৰত শইকীয়া