গুৱাহাটী, ৩ মাৰ্চঃ বুধবাৰে নিশাৰ ভিতৰত ঘোষণা হ'ব পাৰে অগপ, বিজেপি মিত্ৰজোঁটৰ প্ৰাৰ্থীত্ব তালিকা ৷ মঙলবাৰৰ দিনটোত পুৱাৰে পৰা নিশা বহু সময়লৈকে দিছপুৰত ডঃ হিমন্তবিশ্ব শৰ্মা, ৰঞ্জিৎ দাস আৰু অতুল বৰাৰ চৰকাৰী বাসগৃহত দুয়ো দলৰ নেতৃত্বৰ মাজত আসন ভাগ বাটোৱাৰাক লৈ ইখনৰ পিছত সিখন বৈঠক অনুষ্ঠিত হয় ৷
ইয়াৰ পাচতে বুধবাৰে দুপৰীয়া বৰঝাৰৰ পৰা দিল্লী অভিমুখে উৰা মাৰে অগপ আৰু বিজেপি উভয় দলৰে ৰাজ্যিক নেতৃত্ব । বিজেপিৰ ৰাজ্যিক সভাপতি ৰঞ্জিৎ দাস, মুখ্যমন্ত্ৰী সৰ্বানন্দ সোণোৱাল, মন্ত্ৰী ডঃ হিমন্তবিশ্ব শৰ্মা, দলৰ ৰাষ্ট্ৰীয় সাধাৰণ সম্পাদক দিলীপ শইকীয়া, দলৰ ৰাজ্যিক সাংগঠনিক সম্পাদক ফণীন্দ্ৰ নাথ শৰ্মাৰ লগতে দিল্লী অভিমুখে ৰাওনা হয় বৈজয়ন্ত পাণ্ডাও ।