গুৱাহাটী, 28 মাৰ্চ:"অনুপ্ৰেৰণা আৰু কৰণি ফুল"ৰ যুটীয়া উদ্যোগত দেওবাৰে পাণবজাৰস্থিত মে’ ফ্লাৱাৰ হোটেলত এক সম্বৰ্ধনা অনুষ্ঠান সম্পন্ন হৈ হয় ৷ অনুষ্ঠানত বিশিষ্ট শিল্পী, পৰিচালক, নৃত্যবিদ, প্ৰযোজিকা, সমাজকৰ্মী জয়া শইকীয়া দুৱৰাক অনুপ্ৰেৰণা জীৱনজোৰা সাধনা বঁটা ২০২২ প্ৰদান(Lifetime achievers award to Jaya Saikia Duarah) কৰা হয় ৷
জয়া শইকীয়া দুৱৰাক অনুপ্ৰেৰণা জীৱনজোৰা সাধনা বঁটা প্ৰদান
এই বঁটাত আছে ফুলাম গামোচা, ফুলৰ থোপা, এটি স্মাৰক আৰু মানপত্ৰ ৷ আনহাতে, কৰণি ফুলৰ তৰফৰ পৰাও দুৱৰাক জাপি আৰু উপহাৰৰ টোপোলা প্ৰদান কৰা হয় ৷ বন্তি প্ৰজ্বলনেৰে আৰম্ভ হোৱা অনুষ্ঠানটোত পদ্মশ্ৰী এলি আহমেদ, অনাতাঁৰ শিল্পী আৰতি বৰুৱাকে ধৰি কেইবাগৰাকী বিশিষ্ট ব্যক্তি উপস্থিত থাকে ৷