যোৰহাট, 30 এপ্ৰিল : যোৰহাটৰ ঐতিহ্যমণ্ডিত জগন্নাথ বৰুৱা মহাবিদ্যালয়ত নিৰ্বাচনকেন্দ্ৰিক(Clashes between two groups before election in JB College) সংঘাত ৷ শনিবাৰে পুৱতি নিশা প্ৰায় 3 বজাত দেৱালত বেনাৰ, পোষ্টাৰ লগাবলৈ যোৱা ছাত্ৰৰ এটা দলক আক্ৰমণ আন এটা দলৰ ৷ এই অভিযোগ উত্থাপন কৰিছে ভুক্তভোগীয়ে ৷ লগতে তেওঁলোকে অভিযোগ উত্থাপন কৰা অনুসৰি, বেনাৰ, পোষ্টাৰ লগাবলৈ যোৱা ছাত্ৰৰ দলটোক আক্ৰমণ কৰিছিল আছুৰ দ্বাৰা সমৰ্থিত আন এটা ছাত্ৰৰ দলে ৷
আজি জগন্নাথ বৰুৱা মহাবিদ্যালয়ৰ নিৰ্বাচন
প্ৰায় 100 জনীয়া ছাত্ৰৰ দ্বাৰা গঠিত দলটোৰ আক্ৰমণৰ ফলত গুৰুতৰভাৱে আহত হয় আন কেইবাগৰাকীও ছাত্ৰ ৷ আহত ছাত্ৰকেইজন মহাবিদ্যালয়খনৰে এটা আৱাসৰ আৱাসী বুলি চিনাক্ত কৰা হৈছে ৷ আছুৰ দ্বাৰা সমৰ্থিত দলটোৱে ৰ’ড, বেট, যাঠি আদিৰে আনটো দলক প্ৰহাৰ কৰা বুলি জানিব পৰা গৈছে ৷