তৃতীয় শ্ৰমিক কল্যাণ দিৱসৰ সমান্তৰালকৈ চলিব ৰূপজ্যোতি কুৰ্মীৰ প্ৰতিবাদ

শনিবাৰে দিনজোৰা কাৰ্যসূচীৰে পালন কৰিবলৈ ওলোৱা এই শ্ৰমিক দিৱসৰ বিৰোধিতা কৰিছে মৰিয়নীৰ বিধায়ক ৰূপজ্যোতি কুৰ্মীয়ে ৷ শনিবাৰে কেইবাশ চাহ শ্ৰমিকক লগত লৈ প্ৰতিবাদী কাৰ্যসূচী গ্ৰহণ কৰা ঘোষণা কৰে বিধায়কগৰাকীয়ে ৷

মৰিয়নী, 22 নৱেম্বৰঃ শনিবাৰে মৰিয়নীত কেন্দ্ৰীয় ভাৱে উদযাপন কৰা হ’ব অসম চৰকাৰৰ শ্ৰমিক কল্যাণ বিভাগৰ তৃতীয় শ্ৰমিক কল্যাণ দিৱস ৷ কিন্তু দিনজোৰা কাৰ্যসূচীৰে পালন কৰিবলৈ ওলোৱা এই শ্ৰমিক দিৱসৰ বিৰোধিতা কৰিছে মৰিয়নীৰ বিধায়ক ৰূপজ্যোতি কুৰ্মীয়ে ৷ শনিবাৰে কেইবাশ চাহ শ্ৰমিকক লগত লৈ প্ৰতিবাদী কাৰ্যসূচী গ্ৰহণ কৰাৰ কথা ঘোষণা কৰে বিধায়কগৰাকীয়ে ৷ শ্ৰমিক সকলৰ উন্নয়নৰ বাবে বর্তমানৰ চৰকাৰখনে কোনোধৰণৰ কাম নকৰি মাথো শ্ৰমিক সকলক আভুৱা ভাৰিবলৈ শ্ৰমিক কল্যাণ দিৱস উদযাপন কৰিবলৈ লোৱা বুলি এক সংবাদমেল যোগে অভিযোগ উত্থাপন কৰে ৰূপজ্যোতি কুৰ্মীয়ে ৷

উল্লেখ্য যে, শনিবাৰে উদযাপন কৰিবলগীয়া এই শ্ৰমিক কল্যাণ দিৱসত উপস্থিত থাকিব মুখ্যমন্ত্ৰী সৰ্বানন্দ সোণোৱাল,কেন্দ্ৰীয় ৰাজ্যমন্ত্ৰী ৰামেশ্বৰ তেলী,স্বাস্থ্যমন্ত্ৰী হিমন্ত বিশ্ব শৰ্মাকে আদি কৰি বহুকেইগৰাকী মন্ত্ৰী,সাংসদ তথা বিধায়ক ৷