যোৰহাট, 19 অক্টোবৰ : ৮ নৱেম্বৰত দেউৰী স্বায়ত্ব শাসিত পৰিষদ নিৰ্বাচন (DAC election 2022)। নিৰ্বাচনৰ সাজু সকলো ৰথী মহাৰথী । বুধবাৰে যোৰহাট জিলা ৮ নং সমষ্টি বাবে কংগ্ৰেছ দলৰ হৈ কেশৱ দেউৰীয়ে অতিৰিক্ত উপায়ুক্ত ওচৰত মনোনয়ণ দাখিল কৰে ।
যোৰহাট ষ্টেডিয়াম(Jorhat Stadium) পৰা বৃহৎ সংখ্যক সৰ্মথকক লৈ এক বিশাল ৰেলীৰ মাজেৰে কংগ্ৰেছ প্ৰাৰ্থীগৰাকী যোৰহাট জিলা উপায়ুক্ত কাৰ্যালয় সন্মুখত উপস্থিত হয় । উক্ত স্থানৰ পৰাই দলীয় সমৰ্থক লগত লৈ মনোনয়ন পত্ৰ দাখিল কৰে । মনোনয়ন পত্ৰ দাখিলৰ অন্তত কংগ্ৰেছ প্ৰাৰ্থীগৰাকীয়ে কয় যে সমষ্টি উন্নয়ন আৰু নিৱনুৱা সমস্যা সমাধাণৰ ক্ষেত্ৰত তেওঁ গুৰুত্ব আৰোপ কৰিব ।
উল্লেখযোগ্য যে, সমাগত দেউৰী স্বায়ত্ব শাসিত পৰিষদীয় নিৰ্বাচনত ৮ নং সমষ্টিত এইবাৰ নিৰ্বাচনীয় যুঁজখন খুউৱ আকৰ্ষণীয় হৈ পৰিব (DAC election in Jorhat)। কাৰণ এইবাৰ দেউৰী জনসাধৰণে পৰিৱৰ্তনৰ আশাত ভোটদান প্ৰক্ৰিয়াত অংশগ্ৰহণ কৰিব । অন্যহাতে কংগ্ৰেছৰ হৈ মনোনয়ণ দাখিল কৰা কেশৱ দেউৰীয়ে কয় যে, এইবাৰ ৰাইজে পৰিৱৰ্তনৰ আশা লৈ আছে ৷ সেয়েহে বিগত কাৰ্যকালত যি আধৰুৱা কাম থাকি গ'ল সেয়া কৰা বাবে আগৱাঢ়িছে ।
বিশেষত নিৱনুৱা সমস্যা সমাধান স্বাৰ্থত শিক্ষিত যুৱক-যুৱতীসকলৰ বাবে আই টি পাঠ্যক্ৰম, নাৰ্ছিং আদি পাঠ্যক্ৰম বাবে সক্ষম কৰি তোলা আৰু এই পাঠ্যক্ৰমসমূহৰ জৰিয়তে অনাগত দিনত তেওঁলোক স্বাৱলম্বী হোৱাটো প্ৰধান লক্ষ্য হিচাবে নিৰ্ধাৰণ কৰা হৈছে । অন্যহাতে বিভিন্ন কাৰ্যক্ষম আঁচনিৰ জৰিয়তে বিভিন্ন পদক্ষেপ ৰাইজ বাবে গ্ৰহণ কৰা হ'ব বুলি তেওঁ মন্তব্য কৰে । দেৰগাঁও সমষ্টিৰ অন্ত্ৰগত ৮ নং দেউৰী স্বায়ত্ব শাসিত পৰিষদটোৰ দীৰ্ঘদিনীয়া সমস্যা হৈছে বান আৰু গৰাখহনীয় ।