হোজাই,12 নৱেম্বৰ :হোজাইত লাডেনৰ বিৰুদ্ধে উত্তাল প্ৰতিবাদ ৷ লাডেনক হোজাই জিলাৰ লামডিং বনাঞ্চলত এৰি দিয়া খবৰ সংবাদ মাধ্যমত প্ৰচাৰ হোৱাৰ পাছতেই উদালী তিনিআলিত ৰাইজৰ উত্তাল প্ৰতিবাদ | গোৱালপাৰাত কৰায়ত্ত কৰা লাডেননামৰ হাতীটোকলামডিং বনাঞ্চললৈ অনাৰ খবৰ পোৱাৰ পিচতে আতংকিত হৈ পৰিছে লামডিং বনাঞ্চলৰ সমীপৰ উদালী তিনিআলিবাসী ৰাইজ ৷ লাডেনক লামডিং বনাঞ্চললৈ অনাক লৈ সোমবাৰে নিশা উত্তাল প্ৰতিবাদ সাব্যস্ত কৰে ৷
তিনিআলি অঞ্চলৰ প্ৰায় দুই শতাধিক স্থানীয় ৰাইজ ওলাই আহি বন মন্ত্ৰী হায় হায়,পৰিমল শুক্লবৈদ্য হায় হায় ,লাডেনক আমি কেতিয়াও লামডিং বনাঞ্চলত এৰিবলৈ নিদিও ধ্বনিৰে প্ৰতিবাদ সাব্যস্ত কৰে ৷ প্ৰতিবাদকাৰীৰ অভিযোগ লামডিং বনাঞ্চলত ইলেভেন প্ৰজেক্ট নামত দিয়া আছে কামৰ নহয় ৷ প্ৰজেক্টৰ নামত নাই কোনো সুৰক্ষা ৷ বন বিভাগে প্ৰজেক্টত হাতীৰ ৰখাৰ নামত বৰ্তমানলৈ এটাও গছ পুলি ৰোপণ কৰা দেখা নগ'ল বুলি অভিযোগ কৰে ৷ গোৱালপাৰা জিলাৰ ৰংজুলি আৰু মাটিয়াত ত্ৰাসৰ সৃষ্টি কৰি অহা লাডেনক লামডিং বনাঞ্চললৈ অনা খবৰ বিয়পি পৰাৰ পাছতে বনাঞ্চলৰ সমীপৰ ৰাইজ আতংকিত হৈ প্ৰতিবাদ কৰে ৷
লগতে চাওকঃ হাউলীত শুভাৰম্ভ ৯২ সংখ্যক ৰাস মহোৎসৱ