Wild Elephant Menace: নামবৰৰ দাঁতিকাষৰীয়া অঞ্চলত বন্যহস্তীৰ উপদ্ৰৱ

এটা বৃহৎ বনৰীয়া হাতীৰ জাকে শুকুৰবাৰে নামবৰৰ নিকটৱৰ্তী থূৰামুখ চাহ বাগিচা এলেকাত বিস্তৰ ক্ষতি সাধন কৰে (Wild Elephant destroy human habitation) ৷ বন-বিভাগক ক্ষুৰধাৰ সমালোচনা ভুক্তভোগী জনতাৰ ৷ চৰকাৰক ক্ষতি পূৰণৰ দাবী ৷

গোলাঘাট, 11 ডিচেম্বৰ :গোলাঘাট জিলাৰ নামবৰ বনাঞ্চলৰ কাষৰীয়া বহুতো অঞ্চলত এতিয়া বন্যহস্তীৰ উপদ্ৰৱ (Elephant menace in Nambar) ৷ থূৰামুখ চাহ বাগিচাত বনৰীয়া হাতীয়ে ভাঙিলে কেইবাটাও বাসগৃহ ৷

এটা বৃহৎ বনৰীয়া হাতীৰ জাকে বহুদিন ধৰি মৰঙী মৌজাৰ বিভিন্ন প্ৰান্তত উপদ্ৰৱ চলাই ৰাইজক আতংকিত কৰি আহিছে ৷ শুকুৰবাৰে নিশা নামবৰ বনাঞ্চলৰ কাষৰীয়া জুৰীয়া দলং খণ্ড বন কাৰ্যালয়ৰ অধীনস্থ থূৰামুখ অঞ্চলত হাতীৰ জাকৰ পৰা ফালৰি কাটি অহা হাতীয়ে কেইবাটাও বাসগৃহ ভাঙি লণ্ড-ভণ্ড কৰে (man elephant conflict) ৷

ইফালে চৰকাৰ তথা বন-বিভাগক ক্ষুৰধাৰ সমালোচনা কৰিছে ভুক্তভোগী জনতাই ৷ বনৰীয়া হাতীৰ উপদ্ৰৱৰ পৰা ৰাইজৰ জীৱনৰ নিৰাপত্তা সুনিশ্চিত কৰিবলৈ চৰকাৰক দাবী জনাইছে স্থানীয় ৰাইজে ৷

লগতে পঢ়ক:হাতী বুলি গুলীয়ালে মাতৃ-কন্যাক, চাওক ক’ত সংঘটিত হৈছে এই কাণ্ড