গোলাঘাটত আটক দুই ড্ৰাগছ সৰবৰাহকাৰী

গোলাঘাট আমছুৰ সহযোগত গোলাঘাটত আৰক্ষীৰ ড্ৰাগছৰ বিৰোধী অভিযান ৷ শনিবাৰে গোলাঘাট আৰক্ষীয়ে অভিযান চলাই 1.5 গ্ৰাম ড্ৰাগছ আৰু AS05ER0717 নম্বৰৰ এখন বেটাৰী ৰিক্সাসহ আটক কৰে দুটা ড্ৰাগছ সৰবৰাহকাৰী ৷

গোলাঘাট, 22 জুন: গোলাঘাট থুৰামুখৰ পৰা গোলাঘাট আৰক্ষীৰ ড্ৰাগছৰ বিৰোধী অভিযানত আটক হয় দুটা ড্ৰাগছ সৰবৰাহকাৰী । ড্ৰাগছ সৰবৰাহকাৰী দুটাৰ পৰা আৰক্ষীয়ে জব্দ কৰে 1.5 গ্ৰাম ড্ৰাগছৰ লগতে AS05ER0717 নম্বৰৰ এখন বেটাৰী ৰিক্সা ৷ আটকাধীন সৰবৰাহকাৰী দুটাৰ নাম সুৰজ চেত্ৰী আৰু ৰাহুল বৰা । সুৰজ চেত্ৰীৰ বাসগৃহত আৰক্ষীয়ে অভিযান চলাই এখন বেটাৰী ৰিক্সাখন জব্দ কৰে ।

অতিৰিক্ত আৰক্ষী অধীক্ষক পাৰ্থ প্ৰতীম শইকীয়াৰ নেতৃত্বত চলোৱা হৈছিল এই ড্ৰাগছ বিৰোধী অভিযান ৷ লগতে, এই অভিযানত আৰক্ষীক সহযোগ কৰিছিল গোলাঘাট আমছুৱে ৷ মইনাপাৰাৰ বাসিন্দা সুৰজ চেত্ৰীয়ে গোলাঘাট নগৰৰ লগতে কাষৰীয়া অঞ্চলসমূহতো বেটাৰী ৰিক্সাৰ দ্বাৰাই ড্ৰাগছ সৰবৰাহ কৰে বুলি সন্দেহ আৰক্ষীৰ ৷ এই সন্দৰ্ভত তদন্ত অব্যাহত ৰাখিছে আৰক্ষীয়ে ৷