সৰুপথাৰ, 1 এপ্ৰিলঃলক ডাউনৰ মাজতে আজি বিয়লি সৰুপথাৰৰ বিলগাঁৱত সৃষ্টি হয় তীব্ৰ উত্তেজনা ৷ লক ডাউন উলংঘা কৰি মহাৰাষ্ট্ৰৰ পৰা অহা এখন ট্ৰাক আৰু দুখন ভুৱা ১০৮ সেৱাৰ গাড়ীক কেন্দ্ৰ কৰি উত্তেজনা ৷ উল্লেখ্য যে মহাৰাষ্ট্ৰৰ পৰা আহি এখন ট্ৰাক প্ৰৱেশ কৰিছিল সৰুপথাৰ সমষ্টিৰ বিলগাঁৱৰ তামুলীগাঁৱত ৷ ট্ৰাকখনত গাঁওখনৰ নিবাসী দুলেশ্বৰ পায়েঙ নামৰ এজন ব্যক্তিৰ ঘৰলৈ মহাৰাষ্ট্ৰৰ পৰা কঢ়িয়াই অনা হৈছিল এটা হালধী খুন্দা যন্ত্ৰ ৷ ইপিনে মহাৰাষ্ট্ৰৰ পৰা অহা এই ট্ৰাকখনক আগবঢ়াই আনিছিল ১০৮ জৰুৰীকালীন সেৱাৰ ষ্টিকাৰ লগোৱা এখন স্কৰ্পিঅ' গাড়ীয়ে ৷ আতংকিত ৰাইজে কেৰেং লগাই ট্ৰাকখনৰ পৰা যন্ত্ৰটো নমাবলৈ লোৱাত বাধা প্ৰদান কৰি আৰক্ষীক খবৰ দিয়ে ৷
সৰুপথাৰত এখন ট্ৰাক আৰু ভুৱা ১০৮ সেৱাৰ গাড়ীক লৈ উত্তেজনা