বোকাখাত, 22 নৱেম্বৰ :অধ্যাপকে ছাত্ৰীলৈ অশ্লীল মেছেজ দিয়াক কেন্দ্ৰ কৰি উত্তাল চন্দ্ৰনাথ বেজবৰুৱা মহাবিদ্যালয়(Chandra Nath Bezbaruah College) ৷ মহাবিদ্যালয়খনৰ একাংশ ছাত্ৰীলৈ ম'বাইলত অশ্লীল মেছেজ দিয়াৰ অভিযোগ ইংৰাজী বিভাগৰ অধ্যাপক আফটাফিজুৰ ৰহমানৰ বিৰুদ্ধে ৷
ছাত্ৰ-ছাত্ৰী সকলৰ অভিযোগ অনুসৰি, বোকাখাতৰ চন্দ্ৰনাথ বেজবৰুৱা মহাবিদ্যালয়(CNB College) একাংশ ছাত্ৰীলৈ অশ্লীল মেছেজ কৰে আফটাফিজুৰ ৰহমানে ৷ একাংশ ছাত্ৰীয়ে বদনাম হোৱা ভয়তে লুকুৱাই ৰাখিছিল আউটাফিজুৰ ৰহমানৰ অশ্লীল মেছেজৰ বিষয়টো ৷
তাৰ মাজতে দ্বাদশ শ্ৰেণীৰ এগৰাকী ছাত্ৰীক অশ্লীল মেছেজ দিয়াৰ পাছতে ছাত্ৰীগৰাকীয়ে লিখিতভাৱে মহাবিদ্যালয়ৰ অধ্যক্ষক আউটাফিজুৰ ৰহমানৰ বিৰুদ্ধে অভিযোগ দিয়ে ৷ কথাটো জনাজাত হোৱাৰ পাছতে লগে লগে ছাত্ৰ-ছাত্ৰীসকল একগোট হৈ অধ্যাপকজনৰ বিৰুদ্ধে ব্যৱস্থা গ্ৰহণৰ দাবীত উত্তাল কৰি তুলে মহাবিদ্যালয়খনৰ চৌহদ ৷