বৰেলীৰ ৬ মাউণ্টেইন ডিভিজনত কেপ্তেইন জিণ্টু গগৈৰ আৱক্ষ মূৰ্তি উন্মোচন

বীৰ শ্বহীদগৰাকীৰ প্ৰতিমূৰ্তি উন্মোচন অনুষ্ঠানত উপস্থিত থাকে তেওঁৰ পিতৃ-মাতৃও

গোলাঘাট, ২৮ ফেব্ৰুৱাৰী : বীৰ শ্বহীদ কেপ্তেইন জিন্টু গগৈৰ আৱক্ষ মূৰ্তি উন্মোচন । উত্তৰ প্ৰদেশৰ বৰেলীৰ ৬ মাউণ্টেইন ডিভিজন সেনা ছাউনীত উন্মোচন হয় অসম সন্তান শ্বহীদ জিণ্টু গগৈৰ নামৰ মুখ্য প্ৰৱেশ দ্বাৰ আৰু আৱক্ষ মূৰ্তি।

১৯৯৯ চনৰ কাৰ্গিল যুদ্ধত পাক সেনাৰ হাতত শ্বহীদ হৈছিল অসমৰ সন্তান কেপ্তেইন জিণ্টু গগৈ । মৰোণোত্তৰভাৱে বীৰ চক্ৰ লাভ কৰা বীৰ শ্বহীদগৰাকীৰ প্ৰতিমূৰ্তি উন্মোচন অনুষ্ঠানত উপস্থিত থাকে তেওঁৰ পিতৃ-মাতৃও। উন্মোচনী অনুষ্ঠানৰ পৰা বৃহস্পতিবাৰে গোলাঘাটৰ স্ব-গৃহত উপস্থিত হোৱা কেপ্তেইন জিণ্টু গগৈৰ পিতৃ-মাতৃৰ সৈতে আমাৰ সাংবাদিক দিগন্ত চাহুৰ এক বিশেষ সাক্ষাৎকাৰ । চাওঁক ইটিভি ভাৰতৰ এই বিশেষ প্ৰতিবেদন।