জনীয়া, ৩ ডিচেম্বৰ: বৰপেটা জিলাৰ কলগাছিয়াৰ পূৱ বালাৰপাথাৰ গাঁৱত বিদ্যুতৰ খুঁটা পোতাক লৈ দুই ফৈদৰ মাজত প্ৰচণ্ড মাৰপিটৰ ঘটনা সংঘটিত হয় । জানিব পৰা মতে, শক্তি বিভাগৰ কেইবাজনো কৰ্মচাৰী আৰু জসমত আলী খানে বিদ্যুতৰ খুঁটা পুতি থকা অৱস্থাত ৰহমান খান আৰু তেওঁৰ পৰিয়ালৰ লোকে প্ৰথমে জসমত আলীৰ সৈতে তৰ্কাতৰ্কিত লিপ্ত হয়(Clash between two groups in Balarpathar) । কিন্তু এই তৰ্কাতৰ্কিয়ে ভয়াৱহ ৰূপ লয় । ৰহমান খান আৰু তেওঁৰ পৰিয়ালৰ লোকে বাঁহৰ লাঠি, ৰড আদিৰে জসমত আলীৰ পৰিয়ালক প্ৰহাৰ কৰে ।
এই ঘটনাত জসমত আলী খান, জুলহাস খান, ৰহিমা খাতুন আৰু ৰমজান আলী গুৰুতৰভাৱে আহত হয়(4 persons beaten up in Kalgachia) । স্থানীয় ৰাইজৰ তৎপৰতাত আহত লোককেইজনক চিকিৎসাৰ বাবে ততাতৈয়াকৈ কলগাছিয়াস্থিত বৰপেটা অসামৰিক চিকিৎসালয়লৈ নিয়া হয় । তেওঁলোকক বৰ্তমান প্ৰাথমিক চিকিৎসা প্ৰদান কৰা হৈছে । এই সন্দৰ্ভত ভুক্তভোগীয়ে ৰহমান খান, ছায়েদ খান, ৰবি খান, জাফৰ খান, দেলবাৰ খান আৰু অমিনুল ইছলামৰ বিৰুদ্ধে কলগাছিয়া আৰক্ষী থানাত এখন এজাহাৰ দাখিল কৰিছে ।