ডিব্ৰুগড়, 2 আগষ্ট :নাহৰকটীয়া নগৰৰ মাজমজিয়াত সংঘটিত হয় এক ভয়ংকৰ পথ দুৰ্ঘটনা (Road accident at Naharkatia) । মঙলবাৰে বিয়লি সংঘটিত হোৱা এই পথ দুৰ্ঘটনাই কঁপাই গ’ল সমগ্ৰ নাহৰকটীয়া চহৰ । আৰক্ষীয়ে উল্লেখ কৰা অনুসৰি, দুলীয়াজানৰ দিশৰ পৰা আহি থকা AS-23K-1919 নম্বৰৰ তীব্ৰ বেগী i20 বাহন এখনে নিয়ন্ত্ৰণ হেৰুৱাই নাহৰকটীয়া নগৰৰ কছাৰী গাঁৱৰ সমীপত পথৰ কাষত ৰখাই থোৱা তিনিখনকৈ বাহনত তীব্ৰ বেগত খুন্দা মাৰে ৷
এখন বাহনে কেবাখনো বাহনত খুন্দা মাৰে
লগতে উক্ত বাহনখনে বিদ্যালয়ৰ পৰা ঘৰলৈ গৈ থকা অৱস্থাত দুগৰাকী চাইকেল আৰোহী ছাত্ৰীক খুন্দা মাৰি উফৰাই পঠায় । i20 বাহনখন ইমানেই তীব্ৰ বেগত খুন্দা মাৰে যে পথত ৰখাই থোৱা AS-06AD-4775 নম্বৰৰ বেলেন’ আৰু AS-01M-6466 নম্বৰৰ মাৰুতি ভেনখনৰ সন্মুখভাগ সম্পূৰ্ণ ৰূপে বিধ্বস্ত হৈ পৰে ।