ডিব্ৰুগড়, 2 জানুৱাৰী: ডিচেম্বৰ মাহত অৱসৰ গ্ৰহণ কৰা ১১ গৰাকী শিক্ষক আৰু কৰ্মচাৰীক অৱসৰৰ দিনাই পেঞ্চন আৰু যাৱতীয় নথি-পত্ৰ প্ৰদান কৰে ডিব্ৰুগড় জিলাৰ বিদ্যালয় সমূহৰ পৰিদৰ্শক দীপিকা চৌধুৰীয়ে । শুকুৰবাৰে ডিব্ৰুগড় জিলাৰ পৰিদৰ্শকৰ প্ৰেক্ষাগৃহত প্ৰদান কৰা হয় নথি-পত্ৰসমূহ । যিটো সময়ত একাংশই বিভাগটোক পেঞ্চন সময়মতে নিদিয়া বুলি সমালোচনা কৰি আহিছে তেনে সময়তে দীপিকা চৌধুৰীয়ে লোৱা এনে ধৰণৰ পদক্ষেপক সকলোৱে শলাগে ।
২০২০ বৰ্ষত অৱসৰ গ্ৰহণ কৰা শিক্ষক কৰ্মচাৰীসকল ক্ৰমে স্বৰূপা নন্দ উচ্চ মাধ্যমিক বিদ্যালয়ৰ সহকাৰী শিক্ষয়িত্ৰী পদ্মলতা য়েন, কঁঠালগুৰি উচ্চতৰ মাধামিক বিদ্যালয়ৰ পৰশমণি দত্ত, নন্দেশ্বৰ চক্ৰৱৰ্তী উঃ মাধ্যমিক বিদ্যালয়ৰ অঞ্জুমণি বৰা দুৱৰা, ধেমেচি উঃ মাধ্যমিক স্কুলৰ শৈলেন শেনচোৱা, কুটোহা উঃ মাধ্যমিক বিদ্যালয়ৰ উপেন নাথ গগৈ, পঠালীবাম উঃ মাধ্যমিক বিদ্যালয়ৰ প্ৰশান্ত চমুৱা, বগডং উঃ মাধ্যমিক বিদ্যালয়ৰ ইন্দ্ৰেশ্বৰ বৰুৱা, আঘোনীবাৰী উঃ মাধ্যমিক বিদ্যালয়ৰ মণিৰাম গগৈ, মদাৰখাত উঃ মাধামিক বিদ্যালয়ৰ নিম্ন বৰ্গ সহায়ক লিখেশ্বৰ গগৈ, কুটোহা বীনাপানী উঃ মাধ্যমিক বিদ্যালয়ৰ চতুৰ্থ বৰ্গৰ কৰ্মচাৰী মুহিধৰ বৰুৱা আৰু অসম বিদ্যাপীঠ উঃ মাধ্যমিক বিদ্যালয়ৰ চতুৰ্থ বৰ্গৰ কৰ্মচাৰী উনেশ্বৰ ফুকন ।