মৰাণ, 6 মাৰ্চ:শনিবাৰে মৰাণৰ মন্দাকিনী হোটেলৰ সভাকক্ষত মৰাণৰ বিশিষ্ট সাহিত্যিক, সাংবাদিক বাছা বৰাৰ হাস্য- ৰসাত্মক শিশু উপন্যাস 'কচুগুটি উপাখ্যান' উন্মোচন কৰা হয় ৷ বিশিষ্ট সাহিত্যিক তথা ডিব্ৰুগড় কানৈ মহাবিদ্যালয়ৰ অধ্যক্ষ ড৹ শশীকান্ত শইকীয়াই গ্ৰন্থখনি আনুষ্ঠানিকভাৱে উন্মোচন কৰে ৷
গ্ৰন্থখনি উন্মোচন কৰি শইকীয়াই কয় যে,"বৰ্তমান যান্ত্ৰিক যুগত মানুহে হাঁহিবলৈ পাহৰাৰ দৰে হৈছে। সকলোৱে নিজক লৈয়ে ব্যস্ত। সাহিত্যৰথী লক্ষ্মীনাথ বেজবৰুৱাকে মুখ্য কৰি সেই সময়ত একাংশ সাহিত্যিকে পাঠকক হাঁহিৰ খোৰাক যোগাইছিল যদিও লাহে লাহে তেনে হাঁহিৰ খোৰাক দিব পৰা সাহিত্যিকৰ সংখ্যা নগণ্য বুলি ক'ব পাৰি। চিকিৎসক সকলৰ মতে হাঁহিব পৰাতো স্বাস্থ্যৰ কাৰণেও মংগল"। " শইকীয়াই লগতে কয় যে, সময়ৰ সদব্যৱহাৰ কৰাতো মানুহৰ কৰ্তব্য হ'ব লাগে, কাৰণ পাৰ হৈ যোৱা সময়খিনি আমি কেতিয়াও নাপাঁও ৷