চাবুৱাত মনোনয়ন দাখিল সংগীত পৰিচালক অজয় ফুকনৰ

মনোনয়ন দাখিলৰ বাবে চাবুৱা সমষ্টিৰ কংগ্ৰেছ প্ৰাৰ্থী সংগীত পৰিচালক অজয় ফুকনৰ বিশাল ৰেলী ৷ চাবুৱাবাসীৰ বাবে 5 বছৰ দিনে-নিশাই কাম কৰি যোৱাৰ প্ৰতিশ্ৰুতি ফুকনৰ ৷

চাবুৱা,9 মাৰ্চঃ হাজাৰ হাজাৰ কংগ্ৰেছ কৰ্মী তথা সমৰ্থকক লৈ চাবুৱা সমষ্টিৰ বাবে মনোনয়ন দাখিল কৰে সংগীত পৰিচালক অজয় ফুকনে ৷ ৩৭ নং ৰাষ্ট্ৰীয় ঘাইপথেৰে সংগীত পৰিচালক তথা চাবুৱা সমষ্টিৰ কংগ্ৰেছ দলৰ প্ৰাৰ্থী অজয় ফুকনে মনোনয়ন পত্ৰ দাখিল কৰিবলৈ বিশাল ৰেলীৰে ৰাওনা হয় । মনোনয়ন দিয়াৰ আগমুহুৰ্তত আত্মবিশ্বাসী সংগীত পৰিচালকজনে চাবুৱা সমষ্টিৰ ৰাইজৰ সমস্যা সমাধানৰ বাবে তেওঁ বিপুল ভোটত জয়ী হৈ বিধানসভালৈ যাব বুলি দাবী কৰে ৷

চাবুৱাবাসীয়ে ফুকনক নিৰ্বাচিত কৰিলে আগন্তুক 5 বছৰ দিনে-নিশাই সমষ্টিৰ বাবে কাম কৰি যাব বুলি একপ্ৰকাৰৰ গেৰাণ্টি দিয়ে অজয় ফুুকনে ৷ 20 মাৰ্চত চাবুৱাত মোডীৰ যি নিৰ্বাচনী সভা আছে, সেই সন্দৰ্ভত সংগীত পৰিচালকজনে কয়, চাবুৱালৈ হাজাৰজন মোডী আহিলেও চাবুৱাবাসীক ভাষণেৰে কিনিব নোৱাৰে ।

লগতে পঢ়কঃআজি মনোনয়ন দাখিল কৰিব মুখ্যমন্ত্ৰী সৰ্বানন্দ সোণোৱালে