ব্ৰহ্মপুত্ৰৰ চাপৰিত কৃষিৰ বিপ্লৱৰ সূচনা আছুৰ

ডিব্ৰুগড়ৰ মাইজানত বছৰ বছৰ ধৰি চন পৰি ৰোৱা ব্ৰহ্মপুত্ৰৰ চৰ-চাপৰিৰ পাঁচশ বিঘা ভূমিত কৃষি বিপ্লৱৰ সূচনা সদৌ অসম ছাত্ৰ সন্থা(Agricultural Revolution by AASU)ৰ ৷ পাঁচশ বিঘা মাটিত সৰিয়হ, গোমধানৰ লগতে বিভিন্ন শাক-পাচলিৰ খেতিৰে কৃষি বিপ্লৱ আৰম্ভ ছাত্ৰ সংগঠনটোৰ ৷ এই বীজ সিঁচা পৰ্বৰ শুভাৰম্ভণি কৰে আছুৰ সাধাৰণ সম্পাদক শংকৰজ্যোতি বৰুৱা(AASU General Secrtary Sankor Jyoti Baruah)ই ৷

মৰাণ, 25 নৱেম্বৰ : ডিব্ৰুগড়ত ব্ৰহ্মপুত্ৰৰ চাপৰিত কৃষি বিপ্লৱৰ সূচনা কৰিছে সদৌ অসম ছাত্ৰ সন্থা(Agricultural Revolution by AASU)ই ৷ জিলাখনত আছুৰ উদ্যোগত কৃষি বিপ্লৱৰ এয়া পঞ্চমটো কাৰ্যসূচী ৷ ব্ৰহ্মপুত্ৰ চাপৰিৰ পাঁচশ বিঘা মাটিত সৰিয়হ, গোমধানৰ লগতে বিভিন্ন শাক-পাচলিৰ খেতিৰে আছুৱে আৰম্ভ কৰিছে কৃষি বিপ্লৱ ৷

বুধবাৰে সদৌ অসম ছাত্ৰ সন্থাৰ সাধাৰণ সম্পাদক শংকৰজ্যোতি বৰুৱা(AASU General Secrtary Sankor Jyoti Baruah)ই মাইজানত বছৰ বছৰ ধৰি চন পৰি ৰোৱা ব্ৰহ্মপুত্ৰৰ চৰ-চাপৰিৰ পাঁচশ বিঘা ভূমিত বীজ সিঁচা পৰ্বৰ শুভাৰম্ভণি কৰে । ডিব্ৰুগড় জিলা ছাত্ৰ সন্থাৰ সহকাৰী সাধাৰণ সম্পাদক খগেন দত্তৰ নেতৃত্বত প্ৰায় 20 জনীয়া আছু কৰ্মীয়ে ৰোপণ কৰে সৰিয়হ, গোমধানৰ উপৰিও বিভিন্ন শাক-পাচলিৰ বীজ ।

ৰাজপথৰ আন্দোলনৰ সমান্তৰালকৈ আছু কৰ্মী(AASU Leaders)সকলে কৃষি বিপ্লৱৰ জৰিয়তে স্বাৱলম্বী হ’বলৈ এনেধৰণৰ কাৰ্যসূচী হাতত লোৱা বুলি সংবাদ মাধ্যমযোগে সদৰী কৰে আছুৰ সাধাৰণ সম্পাদক শংকৰজ্যোতি বৰুৱাই । ইফালে ডিব্ৰুগড় জিলা ছাত্ৰ সন্থাৰ সহকাৰী সাধাৰণ সম্পাদক খগেন দত্তই কয় যে, এনেধৰণৰ সেউজ বিপ্লৱৰ জৰিয়তে নতুন প্ৰজন্মই নিজৰ স্বাৱলম্বিতাৰ বাট মুকলি কৰিব পাৰিব ৷ ইয়াৰ লগে লগে ৰাজ্যখনৰ অৰ্থনৈতিক বুনিয়াদ শক্তিশালী হৈ উঠাৰ আশা ব্যক্ত কৰে সহকাৰী সাধাৰণ সম্পাদকগৰাকীয়ে ৷

লগতে পঢ়ক :Assam Lok Sabha MPs in Parliament : কোন কিমান সক্ৰিয়, কোন নিমাতী কইনা ?