জোনাই, ১ ছেপ্টেম্বৰ:জোনাই মহকুমাৰ লাইমেকুৰীৰ ৰাকুত ককে গাঁৱত বুধবাৰে নিশা সোপাধৰাৰ সন্দেহত উত্তেজিত ৰাইজে গোলাপ বৰুৱা নামৰ এজন মানসিক ৰোগীক নৃশংসভাৱে হত্যা কৰে(Dead in mob lynching at Jonai) ৷ এই গণ হত্য়াকাণ্ডক কেন্দ্ৰ কৰি ৰাজ্যত অব্যাহত আছে প্ৰতিক্ৰিয়া ৷ ধেমাজি আৰক্ষীয়ে নিশাই অভিযান চলাই দুজন লোকক আটক কৰিছে ৷ আনহাতে এই ঘটনাক তীব্ৰ ভাষাৰে গৰিহণা দিছে টি এম পি কে, টি এম এম কে আৰু টি এম এম কেয়ে ৷
সংগঠনকেইটাৰ নেতৃবৃন্দই বৃহস্পতিবাৰে এই সন্দৰ্ভত এখন সংবাদমেল আহ্বান কৰি উক্ত ঘটনাক অমানৱীয় তথা নৃশংস আখ্যা দিয়ে ৷ তেওঁলোকে সমগ্ৰ ঘটনাৰ উচিত তদন্ত কৰি দোষী ব্যক্তিক শীঘ্ৰে কৰায়ত্ত কৰিবলৈ প্ৰশাসনক আহ্বান জনায় ৷ তেওঁলোকে লগতে দোষী ব্যক্তিক কঠোৰতম শাস্তি দিয়াৰ বাবে দাবী জনায় ৷ তেওঁলোকে লগতে এই অমানৱীয় তথা নৃশংস ঘটনাত জড়িতসকলক আইনী ব্যৱস্থা গ্ৰহণ কৰাৰ ক্ষেত্ৰত আৰক্ষীক সম্পূর্ণ সহযোগ কৰাৰ কথা জানিবলৈ দিয়ে ৷