জোনাই, 2 ডিচেম্বৰ: মঙলবাৰে অৰুণাচলত পালন কৰা হয় আস্থা দিৱস ৷ এই দিৱসত দ:ঞি প:ল ৰ ধৰ্মাৱলম্বী ৰাইজে সামূহিক বাবে ভূমি পূজন তথা ধৰিত্ৰী আইক পূজা অৰ্চনা কৰে ৷ ধৰ্মীয় পৰম্পৰা অনুসৰি বাঁহ, তৰা পাত আৰু খাদ্য বস্তু লৈ ৰাইজে একেলগ মিলি পূজা অৰ্চনা কৰে । এই কাৰ্যসূচীত উপস্থিত থাকে ৰাজ্যখনৰ মুখ্যমন্ত্ৰী পেমা খাণ্ডুকে ধৰি প্ৰাক্তন ৰাজ্যপাল পি চি আচাৰ্য ৷ এই অনুষ্ঠানতেই মুখ্যমন্ত্ৰীগৰাকীয় কয়,‘‘যুৱ প্ৰজন্মই নিজৰ কৃষ্টি সংস্কৃতি পৰম্পৰা ৰক্ষা কৰিব লাগিব । অৰুণাচল চৰকাৰে খিলঞ্জীয়াৰ উপসানৰ কাৰণে দ:ঞি প:ল কল্যাণ পৰিষদ গঠন কৰিছে । নাগৰিকত্ব সংশোধনী বিধেয়কক লৈ অৰুণাচল প্ৰদেশৰ জনতাই শংকিত হ’ব নালাগে৷’’
পূৱ বংগ চুক্তিৰ মতে অৰুণাচল প্ৰদেশ নাগৰিকত্ব সংশোধনী বিধেয়কৰ বাহিৰত থাকিব । যদি বিধেয়কৰ আওতালৈ আহে অৰুণাচল চৰকাৰে চিন্তা কৰিব বুলি মুখ্যমন্ত্ৰী পেমা খণ্ডুৱে সদৰী কৰে । উত্তৰ পূবক ধ্বংস কৰিব বিচৰা কাৰ্যক কেতিয়াও সহ্য কৰা নহ’ব বুলিও তেখেতে উল্লেখ কৰে ।