শ্বেত বিপ্লৱেৰে ধেমাজিৰ গোপা বিশ্বকৰ্মাই দাঙি ধৰিছে অনন্য নিদৰ্শন

ধেমাজিৰ গোপা বিশ্বকৰ্মা নামৰ এগৰাকী মহিলাই দেখুৱাইছে শ্বেত বিপ্লৱ ৷ শিক্ষিত মহিলাগৰাকীৰ কৰ্মৰাজি নিঃসন্দেহে প্ৰশংসনীয় । আন দহজনৰ বাবে হৈ পৰিছে আৰ্দশ আৰু কৰ্ম অনুপ্ৰেৰণাৰ উৎস ।

ধেমাজি, ২ ফেব্ৰুৱাৰীঃধেমাজিৰ এগৰাকী মহিলাৰ শ্বেত বিপ্লৱ । বিশুদ্ধ গাখীৰ খোৱাৰ প্ৰৱল ইচ্ছা আৰু একাগ্ৰতাই যাৰ মূলধন । ধেমাজিৰ বৰদলনি উন্নয়ন খণ্ডৰ অধীনৰ জয়ৰামপুৰ অঞ্চলত গোপা বিশ্বকৰ্মা নামৰ মহিলাগৰাকীয়ে নিৰৱে আৰম্ভ কৰিছে এই বিপ্লৱ । প্ৰথমে এজনী গাইৰে আৰম্ভ কৰা গোপা বিশ্বকৰ্মাৰ দুগ্ধ ফাৰ্ম এতিয়া অঞ্চলটোৰ এক আদৰ্শ জনপ্ৰিয় ফাৰ্মলৈ পৰিণত হৈছে । মহিলাগৰাকীয়ে ইটিভি ভাৰতৰ সংবাদদাতাৰ আগত প্ৰকাশ কৰে যে বিশুদ্ধ গাখীৰ খোৱা ইচ্ছা আৰু কামৰ প্ৰতি থকা একাগ্ৰতাই এই পৰ্যায়ত উপনীত কৰাইছে । পূৰ্বতে পশু চিকিৎসক তথা আনুসংগিক অসুবিধাৰ অনুভৱ কৰিছিল যদিও পৰিয়ালৰ সহযোগত নিয়াৰিকৈ আগবঢ়াই নিছে ফাৰ্মখন ।ব ৰ্তমান ত্ৰিশ জনী উন্নত জাতৰ গাইৰ পৰা দৈনিক ১৫০-২০০ লিটাৰ গাখীৰ উৎপাদন হয় । অৱশ্যে গাখীৰ পেকেজিং কৰি ব্যৱসায় কৰাৰ ক্ষেত্ৰত এতিয়াও অসুবিধাৰ সন্মুখীন হৈ অহাৰ বিষয়ে ব্যক্ত কৰে মহিলাগৰাকীয়ে ।

উল্লেখ্য যে প্ৰথমে নিজৰ গাঁঠিৰ ধন খৰচ কৰি এজনী গাই আৰু চেউৰী এজনীৰে আৰম্ভ কৰাৰ পিচত মুখ্যমন্ত্ৰীৰ বিশষ আচনিৰ অধীনত ১০ জনী গাই লাভ কৰিছিল । পৰৱতী সময়ত নিজা চেষ্টা আৰু ব্যৱসায়ৰ জৰিয়তে এতিয়া ত্ৰিশ জনী গাইৰ দূগ্ধ ফাৰ্মলৈ পৰিণত হৈছে । ইপিনে বায়েকৰ কামত নিয়োজিত হৈ অতি উৎসাহী হৈ ভাতৃয়ে কয় যে কষ্ট কৰিলে ইয়াতে আনন্দ আৰু উন্নতি আছে । পুৱা ৪ বজাতেই বিশ্বকৰ্মাই উঠি কাম কাজৰ লগত ব্যস্ত হৈ পৰে হৈ পৰে আৰু পিচত নগৰলৈ নিজেই গাড়ীত লৈ আহে গাখীৰৰ পাত্ৰসমূহ । শিক্ষিত মহিলাগৰাকীৰ কৰ্মৰাজি নিঃসন্দেহে প্ৰশংসনীয় । আন দহজনৰ বাবে হৈ পৰিছে আৰ্দশ আৰু কৰ্ম অনুপ্ৰেৰণাৰ উৎস ।

আৰু পঢ়কঃমোডী চৰকাৰ বৰ্তমান ভাষনত হে আছে, কামত নাইঃ দুৰ্গা ভূমিজ