হাইস্কুল শিক্ষান্ত পৰীক্ষাৰ বহী নিৰীক্ষণ কেন্দ্ৰ পৰিদৰ্শন ছেবাৰ অধ্যক্ষৰ

প্ৰশ্নৰ বিসংগতি সন্দৰ্ভত ছেবাৰ অধ্যক্ষক স্মাৰক পত্ৰ প্ৰদান নিখিল বড়ো ছাত্ৰ সন্থাৰ

চিৰাং,15 মাৰ্চ: চিৰাং জিলাৰ বিজনী বিদ্যাপিঠ উচ্চতৰ মাধ্যমিক বিদ্যালয়ত ছেবাৰ অধ্যক্ষ ৰমেশ কুমাৰ জৈন ৷ শুকুৰবাৰে হাইস্কুল শিক্ষান্ত পৰীক্ষাৰ বহী নিৰীক্ষণ কেন্দ্ৰ পৰিদৰ্শনৰ উদ্দেশ্যে বিদ্যালয়খনত উপস্থিত হয় জৈন ৷ ছেবাৰ অধ্যক্ষজনৰ লগতে উপস্থিত থাকে চিৰাং জিলাৰ বিদ্যালয়সমূহৰ পৰিদৰ্শক জয়পাল সিং ব্ৰহ্ম ।

তাৰ পাচতেই ছেবাৰ অধ্যক্ষৰ সৈতে এক আলোচনাত মিলিত হয় নিখিল বড়ো ছাত্ৰ সন্থাৰ চিৰাং জিলা সমিতিৰ সভাপতি খনিন্দ্ৰ বসুমতাৰীৰ নেতৃত্বত অহা এটা দলে । আলোচনাত শেহতীয়াকৈ হৈ যোৱা হাইস্কুল শিক্ষান্ত পৰীক্ষাত বড়ো মাধ্যমৰ বড়ো মাতৃভাষাৰ বিষয়ত পাঠ্যক্ৰমৰ বাহিৰত প্ৰশ্ন অহা তথা গণিতত 3 নম্বৰৰ প্ৰশ্নৰ বিসংগতিৰ সন্দৰ্ভত স্মাৰক পত্ৰ প্ৰদান কৰি বিহিত ব্যৱস্থা গ্ৰহণৰ দাবী জনায় দলটোৱে ।