চিৰাং,31 অক্টোবৰ: চিৰাং জিলাত এগৰাকী বোৱাৰীৰ শ্লীলতাহানিৰ চেষ্টা কৰি আৰক্ষীৰ জালত পৰিল এজন যুৱক ৷ ভুক্তভোগী বোৱাৰীগৰাকীয়ে নিজৰ কন্যাক বিদ্যালয়ৰ পৰা আনিবলৈ যাওঁতেই বাটত এই ঘটনা সংঘটিত হয় ৷
চিৰাঙত বোৱাৰীৰ শ্লীলতাহানিৰ চেষ্টা,যুৱকক আটক
চিৰাঙত চাঞ্চল্য ৷ চিদলী আৰক্ষীয়ে আটক কৰিলে যুৱকক ৷
অভিযোগ অনুসৰি, বোৱাৰীগৰাকীয়ে স্কুল অভিমুখে গৈ থকা অৱস্থাত বিপৰীত ফালৰ পৰা আহি থকা বিবেক কৰ্মকাৰ (২৬) নামৰ যুৱকজনে নিৰ্জনতাৰ সুযোগ লৈ বোৱাৰীগৰাকীৰ হাতত ধৰি জংঘললৈ লৈ যোৱাৰ চেষ্টা কৰে ৷ বোৱাৰীগৰাকীয়ে চিঞৰ-বাখৰ কৰাত যুৱকজনে পলায়ন কৰে ৷ ইয়াৰ পাচতে বোৱাৰীগৰাকীয়ে নিজৰ মোবাইলেৰে আত্মীয়ক ফোন কৰে ৷ যুৱকজনক স্কুটী চলাই পলায়ন কৰি থকা অৱস্থাত ৰাইজে কৰায়ত্ত কৰে ,শেষত চিদলী আৰক্ষী আহি যুৱকগৰাকীক আটক কৰি লৈ যায় ৷ স্থানীয় গাওঁৰক্ষী বাহিনী, ভুক্তভোগী আৰু ৰাইজে যুৱকগৰাকীৰ উচিত শাস্তিৰ দাবী জনাইছে ৷ ঘটনাটোৱে অঞ্চলটোত প্ৰতিক্ৰিয়াৰ সৃষ্টি কৰিছে ৷
লগতে পঢ়কঃশিলচৰত পথ দুৰ্ঘটনাক লৈ উত্তেজনা