বঙাইগাঁও,১৮ মাৰ্চ: সমাগত বিধানসভাৰ নিৰ্বাচন । ৰাজ্যৰ সকলো এতিয়া ব্যস্ত নিৰ্বাচনক লৈ । ইতিমধ্যে সকলো দলেই প্ৰাৰ্থিত্বৰ তালিকা ঘোষণা কৰিলে । তাৰ সমান্তৰালকৈ প্ৰাৰ্থীসকলৰ মনোনয়ন দাখিল কাৰ্য অব্যাহত আছে । বৃহস্পতিবাৰে বঙাইগাঁৱত অসম জাতীয় পৰিষদৰ প্ৰাৰ্থী দীপু চৌধুৰীৰ মনোনয়ন দাখিল । ৩২ নং বঙাইগাঁও বিধানসভা সমষ্টিৰ পৰা প্ৰতিদ্বন্দ্বিতা কৰিব প্ৰাৰ্থীগৰাকীয়ে ।
বৃহস্পতিবাৰে বিশাল গণ সমদলেৰে অসম জাতীয় পৰিষদৰ প্ৰাৰ্থী দীপু চৌধুৰীয়ে মনোনয়ন দাখিল কৰে । দেখা গৈছে অগপৰ দুৰ্গত অসম জাতীয় পৰিষদৰ উত্থান । একালৰ সতীৰ্থ বিধায়ক ফণীভূষণ চৌধুৰীৰ বিৰুদ্ধে ৩২ নং বঙাইগাঁও বিধানসভা সমষ্টিত প্ৰতিদ্বন্দ্বিতা আগবঢ়াব দীপু চৌধুৰীয়ে ।