বৰপেটা, ১৩ ফেব্ৰুৱাৰীঃ বৃহস্পতিবাৰৰ পৰা আৰম্ভ হ'বলগীয়া হাইস্কুল আৰু হাইমাদ্ৰাছা পৰীক্ষাৰ বাবে সাজু হৈছে বৰপেটা জিলা প্ৰশাসন । জিলাখনৰ বিদ্যালয়সমূহৰ পৰিদৰ্শক জ্যোৎস্নাৰাণী বৰ্মনে ইটিভি ভাৰতৰ সৈতে হোৱা বাৰ্তালাপত এই কথা প্ৰকাশ কৰিছে ।
জিলা প্ৰশাসনৰ তৰফৰ পৰা স্পৰ্শকাতৰ কেন্দ্ৰসমূহত স্পেচিয়েল স্কোৱাডৰ ব্যৱস্থা কৰাৰ লগতে অন্যান্য পৰীক্ষাকেন্দ্ৰসমূহত ফ্লায়িং স্কোৱাডৰ ব্যৱস্থা থাকিব বুলি প্ৰকাশ কৰে বিদ্যালয়সমূহৰ পৰিদৰ্শক জ্যোৎস্নাৰাণী বৰ্মনে । পৰীক্ষাকেন্দ্ৰসমূহত চিচিটিভি কেমেৰা সংলগ্ন কৰাৰ লগতে বৰপেটা, বজালী আৰু কলগাছিয়াৰ বাবে তিনিগৰাকী মেন্টৰৰ ব্যৱস্থা কৰা হৈছে বুলিও জনায় বিষয়াগৰাকীয়ে ।
