দুৰৱস্থাই লগ এৰা নাই বানাক্ৰান্তক...

বৰপেটা জিলাৰ জনীয়া সমষ্টিৰ বানে চলাইছে সন্ত্ৰাস । বানৰ বাবে পাঁচ দিন ধৰি বিদ্যালয়ত আশ্ৰয় পাতি আছে প্ৰায় পাঁচ শতাধিক বানাক্ৰান্তই ।

জনীয়া,১৯জুলাই : বৰপেটা জিলাৰ জনীয়া সমষ্টিৰ অন্তৰ্গত কাদং, ৰছুলপুৰ, ইছপপুৰ, কালামপুৰত বানে চলাইছে সন্ত্ৰাস । ভয়ংকৰ বানৰ বাবে অঞ্চলটোৰ প্ৰায় পাঁচ শতাধিক বানাক্ৰান্তই কাদং হাইস্কুলত বিগত পাঁচদিন ধৰি শিবিৰ পাতি আশ্ৰয় গ্ৰহণ কৰি আছে । সম্প্ৰতি বানাক্ৰান্ত লোকসকলৰ লগত জীৱ-জন্তুসকলে ভুগিছে খাদ্য সংকটত । পাঁচ দিন ধৰি বিদ্যালয়ত আশ্ৰয় পাতি থকা বানাক্ৰান্তসকলৰ ওচৰত উপস্থিত হোৱা নাই কোনো জনপ্ৰতিনিধি । স্থানীয় ৰাইজে বান সাহায্যৰ বাবে বৰপেটা জিলা প্ৰশাসনক অৱগত কৰিছে যদিও বানাক্ৰান্তৰ হকে বৰপেটা জিলা প্ৰশাসনে কোনো ইতিবাচক পদক্ষেপ গ্ৰহণ নকৰাৰ অভিযোগ উত্থাপিত কৰে বানাক্ৰান্তসকলে ।